စာကလေးများရဲ့ပြန်ကြားချက် ◄ မောင်သင်းပန် ►

ကျွန်တော်တို့ကို
ကောင်းကင်ပိုက် မြေပြင်ပိုက်ဆင်တာလည်း
သူပါပဲ
ကျွန်တော်တို့ကို
စာကုသိုလ်စာကုသိုလ်ဆိုပြီး
မြို့ထဲလည်ရောင်းတာလည်း
သူပါပဲ
ကျွန်တော်တို့ကို
ခင်ဗျားဝယ်ပြီး လွှတ်တော့လည်း
ပြုံးပြုံးကြီးကြည့်နေတာ
သူပါပဲ
ကျွန်တော်တို့ကို
နောက်တစ်ခါ ထပ်ရှာဦးမှာလည်း
သူပါပဲ
ကျွန်တော်တို့အသက်တစ်ခါလွှတ်
ခင်ဗျားဆယ်ခါလွတ်ပါစေ။

မောင်သင်းပန်

ပွဲတက်ဖက်ရှင်ကို နဂါးပုံ ရင်ထိုးလေးရွေးလိုက်တယ်

အနီရောင်ရဲရဲစာအိတ်ပေါ်မှာ ရွှေရောင်ပန်းစာလုံးနဲ့
စာအိတ်တစ်အိတ် ငါလက်ခံရရှိတယ်
ဒီဘက်နှစ်ထဲမှာ ဒီလောက် စိတ်ညစ်စရာကောင်းနေတာ
ဘယ်သူက ဘာပွဲတွေ ဖိတ်တာလဲ။
ငါနေတဲ့ "မြေစွန်းရွာ"မှာ ငါ့မိသားစုဝင် (၃)ဦး သေပြီ
"ရွှေကူ"က ငါနဲ့ကျောင်းနေဖက်ဘော်ဒါ(၁၀)ကောင် သေပြီ
"ဒုတိယမြစ်ကျဉ်း"က ငါ့ယောက္ခမကြီး၊ ငါ့တူလေးနဲ့ သူ့မိန်းမ သေပြီ
ငါလည်း ကျန်းမာရေးမကောင်းဘူး
ဘာ လိုးရှင်းမှ မလိမ်းဘဲ အသားတွေဖြူလာတယ်။
ဘာ ဆေးမှ မစားဘဲ စကားတွေဝဲလာတယ်။
မနက်စောစောဆို ၀ူရှူးက,ချင်တာလိုလို၊ ထိုက်ကျိ ကျင့်ချင်တာလိုလို ဖြစ်လာတယ်။
ငါ့နားလာဆော့တဲ့ သား ကိုတောင် ဆော့ခ ပေးရမယ်ဆိုပြီး
ငွေသံကြေးသံထွက်ချင်လာတယ်။
မိန်းမကလည်း "မန္တလေး ရောက်ရင် ပေါက်စီဝယ်ခဲ့ပါဦး"ဆိုပြီး ခဏခဏမှာတယ်။
စာအိတ်ကို ခုမှသေချာကြည့်မိ
ငါတို့ရဲ့ ဒုတိယသွေးလွှတ်ကြောကြီးမှာ
စီးနေတဲ့သွေးတွေ မရဲတော့ဘူး တဲ့။
ငါတို့ငိုချလိုက်ရင်တောင် ငါတို့မျက်ရည်ကို ငါတို့မပိုင်တော့ဘူး တဲ့။
ငိုရင်းနဲ့ ရှိုက်လိုက်မိရင်တောင် ရှိုက်တဲ့ကောင်က ပြန်လျော်ရဦးမတဲ့။
ငါတို့ဟာ မျိုးတုန်းပျောက်ကွယ်လုလု
ရေနေနို့တိုက်သတ္တ၀ါ
ငါတို့နာမည် အပြောင်းခံရတဲ့ပွဲကို ငါတို့ကိုယ်တိုင်တက်ရောက်ချီးမြှင့်ရဦးမှာပေါ့
ဟုတ်ကဲ့ ...
ငါတို့ကို Chinese Dolphin တွေလို့ ခေါ်ပါ။


ဟိန်း

ဂီတ (၃) ◄ စိုင်းဝင်းမြင့် ►

ဒီလိုညနေခင်းမှာ
မင်းနာမည်လေး သိခဲ့သူဆိုရင်လည်းေ
သြော် .. ဘယ်သူရယ်လို့
ငါလေ ရွတ်ဆိုမိဦးမယ်။
သစ်တစ်ပင်မှာ
ချစ်ခြင်းကို ထွင်းမိပါဦးမယ်။
ဒီလို ညနေခင်းမှာ
မင်းသာ အဝေးပြေး တွေးတတ်မယ်ဆိုရင်ပေါ့
ငါဟာ တမြည့်မြည့်အောက်မေ့ခြင်း စွန်တစ်ကောင်
မင်းဆောင်ထားတဲ့ ဓားမှာ စွဲလောင်လို့
မင့်တို့မြို့လေးမှာလည်း
ကိုယ့်အကြောင်းဖွင့်ပြောမယ်ဆိုတဲ့ တိမ်တစ်စ ..
လူတိုင်း အလွတ်ရကြမှာပဲ။

စိုင်းဝင်းမြင့်

မေ ◄ ဇော်ထိန် ►

မေ
လောင်ကျွမ်းသူ
မိုးနဲ့မြေမကျန် လောင်ကျွမ်းပြီးတော့။

မျှော်နေသူ
နေ့ရော ညပါ မျှော်နေပြီးတော့။

မေက
လူသားဆန်တဲ့ အချစ်သီချင်းဆိုလို့
မေ လာပြီ။

ပူပြင်းလောင်မြိုက်ခြင်းများပြီးဆုံးစေဖို့
မေ လာပြီ။

ခြောက်ခမ်းနေတဲ့ ရေတွင်းထဲမှာရေ
ခြောက်ခမ်းနေတဲ့ မြစ်ထဲမှာရေ
နှလုံသားတစ်ခု အက်ကွဲခြောက်ကပ်နေရင်
မေ လာပြီ။

မော့ကြည့်လိုက်စမ်းပါတော့
ရှင်သန်ခြင်းကို အသက်ဓာတ်ပြန်သွင်းပေးမယ့်
အစဟာ
မေ ပေါ့၊  မေမုတ်သုန် ပေါ့။ ။

ဇော်ထိန်

ကျွန်တော် ၀တ်ဆင်တဲ့ တီရှပ်တိုင်းမှာ ◄ ရက်မြတ်ဇော် ►

လွယ်လွယ်မချစ်တတ်ဘူးဆိုတဲ့ မင်း
လွယ်လွယ်နဲ့ မုန်းတတ်တာ
မင်းလမ်းခွဲထွက်ခွာသွားတဲ့ မနက်တစ်ခုက စ လို့
ငါ့ဘ၀က အရူးစိတ်ကူးနဲ့ ဖျပ်ဖျပ်လူးတော့တာပဲ။
အချစ်ဆိုတာ မကျွံခင် နှုတ်မှ
သံယောဇဉ်ဆိုတာ မလောင်ခင်တားမှ
ဒီလို အတွေးခေါ်တွေ စွဲကပ်နေတာကိုက
မင်းရဲ့ ခမ်းနားမှုတစ်ခုလား
အချစ်ကြီးသူဟာ အရှုံးကြီးသူဖြစ်တယ်
မင်း ဒီလိုသီဆိုခဲ့တယ်။
ပင်လယ်အပြောကျယ်တယ်ဆိုတာထက်
မိန်းမတွေရဲ့ အမြင်ကပိုကျယ်မှန်း
ငါ အခုတော့ သိခဲ့ပြီ။
ဒီမှာ
လွမ်းလိုက်တာ တအားပဲ
ဘ၀ကူးတဲ့အထိ ဒီအချစ်က ငါ့ကို စူးနေမှာ အမှန်ပဲ။
အမြန်ပြန်လာပါကွယ် အော်ဟစ်ခေါ်နေလည်း
အသံဝင်သွားတဲ့အထိ
ချစ်သူဟာ ငါ့ခန်းထဲ ၀င်မလာဘူး။
မင်းက အသည်းမာတယ်
ငါက ခေါင်းမာတယ်
မရှင်တော့တဲ့ အချစ်ကို
အသေခံ ပြန်စိုက်တယ်။

ရက်မြတ်ဇော်

မြန်မာသဒ္ဒါစာအုပ်နောက်ကျောဖုံး

တစ်ခန်းလုံးဆိုတဲ့ နိုင်ငံတော်သီချင်းမှာ
အသံလေးတစ်သံကိုပဲ ကွက်ပြီးကြားနေမိတဲ့အထိ
ငါ့နားတွေ ညံ့ဖျင်းနုံအ ခဲ့။
ဆရာမကြိမ်လုံးကို ခိုးရဲတဲ့သူငယ်ချင်း၊
ငါအပူကပ်မိတယ်။
နင့်ဘယ်ဘက်မျက်ခုံးလေးကို ခဏယူပေးကွာဆိုတော့
ကမ္ဘာအဆုံးထိထွက်ပြေးသွားတာ သူ့အမေတောင်ခုထိ ငိုငိုရယ်ရယ်။

ဘူတာကို လည်ပြန်ကြည့်သောရထားများ

ဒီအကြောင်းတွေးရင်
ပန်းခင်းကြီးထဲ ခေါင်းမော့အသက်ရှုနေရသလိုပဲ
ကံ့ကော်၊ ယုဇန၊ ချယ်ရီ၊ စကားဝါ၊ မာလာ ... စသဖြင့် ..
ဒီအကြောင်းတွေးရင်
ငါတို့ကိုယ်မှာ ပင်မသွေးလွှတ်ကြောကြီးတွေ ဖြာထွက်လာသလိုပဲ
ပင်မ(၁)(၂)(၃)(၄)(၅) .. စသဖြင့် .. ။