လူတစ်ယောက်ကိုသတ်ပစ်လိုက်တဲ့အခါ
တစ်တိုင်းပြည်လုံးသေရတယ်
ဗိုလ်ချုပ်အကြောင်း ကျွန်တော့်ခေါင်းထဲ ၀င်လာတဲ့အခါ။
လူတစ်ယောက်ကို ဦးညွှတ်မိတဲ့အခါ
တစ်ကမ္ဘာလုံးသေရသလိုပဲ
ဟစ်တလာအကြောင်း ကျွန်တော်စဉ်းစားမိတဲ့ အခါမှာပေါ့။
ဘယ်တော့မှမသေချင်တော့ဘူးဆိုတဲ့ ဆေးကို ရှာမိတဲ့အခါ
ကျွန်တော် သွားတွေ့တာက
ကျွန်တော်တို့လက်တွေကို အတောင်ပံတွေအဖြစ်ဆန့်ထုတ်
ကျွန်တော်တို့အသံတွေကို ပရိတ်တရားတော်အဖြစ်အန်ထုတ်
အုတ်တစ်ချပ် သဲတစ်ပွင့်တွေအဖြစ် နိုင်ငံတော်အသစ် ကမ္ဘာအသစ်ကိုအုတ်မြစ်ချလိုက်ဖို့ပဲ။
ဒီလိုလေ
တစ်ယောက်ကိုတစ်ယောက် လက်ထိပ်ခတ်
(အာဏာရှင်မှန်သမျှကို)
အကျဉ်းထောင် အုတ်တံတိုင်းတွေအဖြစ်ပြောင်းလည်း ပြန်လည်ကာပစ်လိုက်ဖို့ပဲ။ ။
ခရမ်းပြာထက်လူ
၂ ၀ ၁ ၂
No comments:
Post a Comment