Tuesday, May 28, 2013
သံမဏိနှင်းဆီအတွက် တစ်ကိုယ်လုံးမီးရှို့ မြေသြဇာလုပ်ပေးမယ့် ကဗျာ(၄)
ဘာလို့ကြားညှပ်ရမှာလည်း
မသန်သူတွေ ပစ်ချသွားတဲ့အမှိုက်ပုံကို စွမ်းသူတွေရွှေကျင်တဲ့ပွဲ။
ဘာလို့ကြားညှပ်ရမှာလည်း
နာနာဘာဝတွေ ကျိန်စာတိုက်နှစ်မြုပ်သွားတဲ့မြို့ကို
ကမ္မ၀ါဖတ်ပြီး အမှန်တရားဂါထာတစ်ပုဒ်နဲ့ ပြန်ဖေါ်မယ့်ပွဲ။
ဘာလို့ ကြားညှပ်ရမှာလည်း…
ဘာလို့ ကြားညှပ်ရမှာလည်း…
ဘာလို့ ကြားညှပ်ရမှာလည်း…
မီးဟုန်းဟုန်းတောက်နေတဲ့မြို့ကိုအပေါ်စီးက စီးကြည့်ပြီးတယောထိုးနေတာမှမဟုတ်တာ
ချွေးကိုညှစ်ထုတ်ပြီး သွေးကိုဖေါက်ထုတ် မီးကိုရအောင်ငြိမ်းနေတာလေ။
ဘာလို့ ကြားညှပ်ရမှာလည်း
တရားကိုနတ်စောင့်တယ်
နတ်သမီးကိုယ်တိုင် ဆင်းလာတဲ့လမ်းမှာ အမှန်တရားဟာ
ကျပ်နေတဲ့ဘတ်စ်ကား ကျပ်နေတဲ့ ရထား ကျပ်နေတဲ့ခင်ဗျားတို့သွားကြားက ထွက်လာရမှာပဲ။
အသာစီးရမှနေမယ်ဆိုတဲ့ တိမ်တွေရဲ့အောက်မှာ ရှင်သန်နေရတာထက်
ဒီညနေခင်းတွေမှာ
နေလုံးကြီးနဲ့အတူလိုက်ပြီး ပင်လယ်ထဲခုန်ဆင်းသွားရတာကမှ အရသာရှိသေး။
ခေါင်းဆောင်ဆိုတာ
အဲ့ဒီတိမ်တွေနောက်က ကောင်းကင်ကွ
ဆိုးတူကောင်းဘက် သူ့ရင်ဘတ်ကြီးနဲ့ ငါတို့ကိုအမြဲနွေးထွေး ဘယ်တော့မှထွက်မပြေးဘူး။
ဘာလို့ ကြားညှပ်ရမှာလည်း
ဒါ အရိုင်းတိရစ္ဆာန်ခြင်္သေ့တစ်ကောင်ရဲ့သွားကြားထဲညှပ်နေတဲ့ အလံကို
ခေါင်းဝင်ထိုးပြန်ဆွဲထုတ်နေတဲ့သူတော်စင်တို့ရဲ့ တစ်ကယ့် ပရဟိတ ပွဲကြီးတစ်ပွဲပဲ
ကဲ ငါတို့ ထပ် share လိုက်ကြအောင်။ ။
ခရမ်းပြာထက်လူ
( ၂ ၀ ၁ ၃ )
Subscribe to:
Post Comments (Atom)
No comments:
Post a Comment