လက်ခုပ်တီးဖို့အမှန်ခြစ်ဖို့ ချီတက်ဖို့နဲ့ ကျွန်တော်တို့က ပွန်းတစ်ကောင်လိုရှေ့မှာ ကျည်ကာအင်္ကျီတစ်ထည်လိုနေဖို့

မျက်စိနှစ်ကွင်းအလင်းရဖို့
ကျွန်တော်ဘာလုပ်ပေးရမလဲ
တိမ်တွေကိုဆုတ်ဖြဲ နံရံတွေကို ခုတ်လှဲပေးရမလား။

ခင်ဗျားတို့ရက်ရောမှုကလည်း ရက်စက်ပါပေ့
ဆောင်းတွင်းမနက်ခင်းကြီးရဲ့စမ်းချောင်းထဲ
ငါးတွေလိုငါတို့ကို မျှောလိုက်တယ် ဆိုက်ဘေးရီးယားအထိတဲ့။

ပလက်ဖေါင်းဘေးမှာ
လေလွင့်ခွေးတစ်ကောင်ကိုဖက်ပြီးအိပ်ပျော်နေသူ ကလေးနဲ့
ပလက်ဖေါင်းပေါ်မှာ
အလှမွေးခွေးတစ်ကောင်ကိုပွေ့ပြီးလျှောက်သွားနေတဲ့ကောင်မလေး
တိုက်မိကြတော့
ဆောင်းဟာမီးထပွင့်သွားတယ်။

ငါတို့မှာနားရက်မရှိအောင် နားရွက်ကြီးတွေစွင့်ကား
နွားတွေလိုထွန်ယက်ခဲ့ကြတယ်လေ။

ငါတို့မှာနားရက်မရှိအောင် ပခုံးတွေကိုပြင်ထား
ရှေ့ခေတ်ကျေးကျွန်တွေလိုကျောက်တုံးတွေကို တွန်းတင်ခဲ့ရတယ်လေ။

အေးလေသူတို့က သစ်တောတွေခုတ်ပြီးစားသလို
ငါတို့ကလည်းဝါးတွေခုတ်ပြီး စားခဲ့ရတာပေါ့။

အေးလေသူတို့က လေယာဉ်ပျံကြီးစီးပြီး သွားခဲ့ကြသလို
ငါတို့ကလည်းရေကူးပြီး ပြန်လာခဲ့ကြရတာပေါ့။

အေးလေသူတို့က လေလုံမိုးလုံ နန်တော်ကြီးထဲ ကြားဖဲလေးတစ်ချပ်ကိုဇိမ်ခံပြီးဆွဲနေသလို
ငါတို့ကလည်းဝုန်းတိုင်းကြဲနေတဲ့လေပြင်းမုန်တိုင်းအောက်မှာပိပြားနေတဲ့ ဆန်ထုပ်လေးကို
ဘုရားတပြီးပြန်ဆွဲထုတ်နေခဲ့ရတာပေါ့။

လမ်းပေါ်ထွက်လာကြတယ်
အစာထက်လွတ်လပ်မှုကို လိုချင်ကြလို့လား
လွတ်လပ်မှုထက်အစာကို ပိုလိုချင်ကြလို့လား။

အမှောင်ထဲမှာ
သူတို့ခန္ဓာကိုယ်ထဲကလက်ကျန်အရိုးလေးတွေကို ပွတ်တိုက်ခဲ့ကြ
ဆယ်စုနှစ်များစွာကမ္ဘာဦးလူသားတွေလို မီးထတောက်လာနိုးနဲ့။

အလင်းရောင်မရပဲအရိုးတွေပါးလွှာ ဓါးသွားတွေဖြစ်ခဲ့ကြပြီ။

အလင်းရောင်ကိုကျွန်တော်ချစ်ပါတယ်
ခင်ဗျားတို့သွားနှင့်ပါ

လတ်တလော
အမှာင်ထဲမှာပဲကျွန်တော့်သူငယ်ချင်းတွေနဲ့ အတူတူနေခဲ့ပါရစေ။ ။

ခရမ်းပြာထက်လူ
(  ၂  ၀  ၁  ၃  )