ခံုပုပုဆိုင္ေလးရယ္
ဓာတ္တိုင္ေအာက္က ၀ိုင္းမွာ ငါထိုင္မယ္။
ေျပာပါကြယ္
ဘယ္လိုေမတၱာတရားနဲ႔
တစ္ရက္ျခားတစ္ခါ ဆန္ျပဳတ္လုပ္ေပးရတယ္ဆိုတာ
ဘယ္လိုေစတနာတရားနဲ႔
နွစ္ရက္ျခားတစ္ခါ မုန္႔ဟင္းခါးလုပ္ေပးရတယ္ဆိုတာ
ငါတို႔ အစာမ၀င္မွာ စိုးသလား
မင္း အစာမ၀င္မွာ စိုးသလား
ခံုပုပုဆိုင္ေလးရယ္
ဂ်ာနယ္ထဲမွာ စကားလံုးတစ္လံုးေတြ႔တယ္
ေရရွည္စီမံကိန္းဆိုလား
ငါ့ေကာင္ေတြေရ...
တစ္ဘ၀လံုးပံုခ်င္ပံုေပါ့
ဒါေပမဲ့...
ခ်င့္ ယံု ။ ။
ဟိန္း
ခရမ္းရိပ္မဂၢဇင္း
ဒီဇင္ဘာ၊ ၂၀၁၂
No comments:
Post a Comment