လောင်စရာမရှိတဲ့ကိစ္စမှာ တစ်မျိုးသားလုံးဝင်လောင်ပေးလိုက်ရ။
ခေတ်မီစိတ်ချရတဲ့ မျက်ရည်ယိုဗုံးတဲ့။ ငါတို့ အသားနီလန်နေတဲ့လက်နဲ့၊ ငါတို့ အလေးအမြတ်ထားတဲ့ သင်္ကန်းစနဲ့၊ ငါတို့ အံကြိတ်တောက်ခေါက်ခြင်းတွေနဲ့ မင်းတို့ပြောတဲ့ ဒီမိုကရေစီနဲ့ ငါတို့ဟာ လပြည့်ညမှာ အထွန်းညှိခံလိုက်ကြ။
ငါတို့ဟာ လောင်စာတွေလား။ ငါတို့အလောင်ခံပြီးမေးတယ်။
မင်းတို့ခလုတ်ကို ဆွဲညှစ်ခါနီးနောက်ဆုံးစက္ကန့်မှာ ဘာတွေတွေးနေကြလဲ။ ငါတို့အလောင်ခံပြီးမေးတယ်။
မင်းရဲ့သားလေး မီးဆော့ရင်း လက်ပေါ် ဖယောင်းစက်ကျတုန်းက ခံစားလိုက်ရတဲ့ခံစားမှုမျိုး၊ မင်းရဲ့အိုကြီးအိုမ မိဘတွေ ဟိုတစ်လောနွေက အပူရှိန်မြင့်လို့ ဆုံးပါးသွားပုံမျိုး၊ မင်းဇနီး ဟင်းချက်ရင်း ဆီပူတစ်စက်စင်တော့ ပျာယာခတ်နေပုံမျိုး၊ မင်းလက်ပေါ် ဆေးလိပ်ပြာကျသွားတော့ လန့်ဖြန့်အော်ဟစ်လိုက်ပုံမျိုး၊ ဟိုလိုမျိုး . ဒီလိုမျိုး ၊ ငါတို့အလောင်ခံပြီးမေးတယ်။ မင်းတို့ခလုတ်ကို ဆွဲညှစ်ခါနီးနောက်ဆုံးစက္ကန့်မှာ ဘာတွေတွေးနေကြလဲ။ ငါတို့ကို မေတ္တာရပ်ခံပါ။ ငါတို့ကို သတိပေးပါ။ ငါတို့ကို ရေနဲ့ပက်ပါ။ ငါတို့ကို တုတ်နဲ့ရိုက်ပါ။ ခုတော့ ငါတို့ဟာ ချက်ချင်းလောင်စာတွေအဖြစ် အဆင့်ကျော်ခံလိုက်ရ။ မင်းမှတ်ပုံတင်မှာ လူမျိုး-ဗမာ၊ဘာသာ-ဗုဒ္ဓ ၊ အနောက်တံခါးကျိုးပျက်သွားတုန်းက မင်းသတ္တိတွေ ဘယ်ရောက်နေလဲ၊ မင်းဇာတိမာန်တွေဘယ်ရောက်နေလဲ၊ မင်းလက်ဟာ ခလုတ်ညှစ်ဖို့တွန့်နေခဲ့။
ငါတို့ဟာ လောင်စာတွေလား၊ ငါတို့လောင်ကျွမ်းသွားတာလှလား၊ ထိတဲ့နေရာမှာ အရေပြားက အကွက်လိုက်စားသွားတာ လှလား၊ မင်းတို့ လှမ်းကြည့်တော့ ငါတို့ကစဉ့်ကလျားပြေးလွှားနေတာ လှလား။ ပြောပါ။ လှလား။ ကျေနပ်လား။ အရှေ့အရပ်ကလူတွေဆီ မင်းတစ်ဘ၀လုံး ထိုးကျွေးထားတာလား။ အခုလှလား။ သူတို့ကရော လှလိုက်တာလို့ပြောရဲ့လား။
ငါတို့ဟာ လောင်စာတွေလား။ ငါတို့အလောင်ခံပြီးမေးတယ်။
ဘာအရည်လေးတွေလဲ။ ငါတို့ဟာ မင်းတို့လိုမှ မကောက်ကျစ်တတ်ပဲ။ လမ်းကို ရိုးရိုးနဲ့ တည့်တည့်သွားတယ်။ မင်းတို့က ဆန်းဆန်းနဲ့ကောက်ကောက်သွားတယ်။ အေးလေ။မင်းတို့က Global Thinker ဆုကြီးရထားတာဆိုတော့။ ငါတို့နဲ့ လပြည့်ညကို ပူဇော်လိုက်တယ်ပေါ့။ ဟုတ်ရဲ့လား ။ မနေ့တစ်နေ့ကမှ အရှေ့အရပ်ကလူတွေကျေးဇူး ငါတို့မှာရှိတယ်လို့ မင်းတို့ပဲလာပြောသွားသေးတယ်မလား။ငါတို့က ကျေးဇူးချက်ချင်းပြန်မဆပ်လို့လား။ ငါတို့ ဆပ်ထားတဲ့ကျေးဇူးတွေပြရမလား။ ငါ့ညီမလေး ကျွန်ခံဖာခံလေးက သက်သေမဟုတ်လား။ ငါတို့သောက်နေတဲ့ရေတွေက သက်သေမဟုတ်လား၊ ငါတို့လက်ထဲကပျောက်သွားတဲ့ လယ်တွေကသက်သေမဟုတ်လား။ ဘာအရည်လေးတွေလဲ။ မင်းတို့ ဘာအရည်လေးတွေထည့်ပစ်ခဲ့တာလဲ။
ငါတို့ဟာ လောင်စာတွေလား။ ငါတို့အလောင်ခံပြီးမေးတယ်။
ငါတို့ကို စိမ်ပြေနပြေရှို့၊ ငါတို့ကို စိတ်အေးလက်အေးဖျက်ဆီး၊ ပြီးမှ အချုပ်အခြာအာဏာနှင့် နိုင်ငံ၏အကျိုးစီးပွားကို ထိပါးလာသဖြင့် ဒီမိုကရေစီနည်းလမ်းကျစွာဖြေရှင်းခဲ့ကြောင်း နိုင်ငံပိုင်ရုပ်သံတွေမှာ ထုတ်လွှင့်လိုက်ကြ။ ငါတို့ရဲ့ တောက် ခေါက်သံတွေကို ဆင်ဆာဖြတ်ပြီး ကြေငြာပေးလိုက်ကြ ။
ငါတို့ဟာ လောင်စာတွေလား။ ငါတို့အလောင်ခံပြီးမေးတယ်။
ငါတို့ကိုယ်က အသားစတွေ၊ ငါတို့ကျန်ခဲ့တဲ့ မျက်ရည်တွေ၊ ငါတို့ ကျန်ခဲ့တဲ့အမှန်တရားတွေ
မင်းတို့ခဏနေရင် မီးသတ်ပိုက်နဲ့ထိုးဆေးလိုက်မှာမလား၊ ငါတို့လောင်ကျွမ်းခံခဲ့ရတဲ့ နေရာ ငါတို့ပြန်မမှတ်မိနိုင်လောက်အောင် မင်းတို့တတ်ကျွမ်းကြတယ်မဟုတ်လား။ ငါတို့အသားညှော်နံ့မှာ မင်းတို့သာယာနိုင်ပါစေ။ ငါတို့ဆောက်တည်ရာမရမှာ မင်းတို့ကျေနပ်နိုင်ပါစေ၊ ငါတို့အားငယ်ထိတ်လန့်မှုမှာ မင်းတို့ရယ်မောနိုင်ပါစေ၊ ငါတို့ လက်သီးကျစ်ကျစ်တွေမှာတော့ မင်းတို့ကမ္ဘာအသိန်းအသောင်းလောင်မီးကျပါစေ။
ငါတို့အလောင်ခံပြီးမေးတယ်။ ငါ....တို့....ဟာ...သ...မိုင်း...၀င်...လောင်....စာ.....တွေ....လား။
ဟိန်း
(မတရားမီးလောင်တိုက်သွင်းခံခဲ့ရသောရဟန်းရှင်လူအပေါင်းသို့ဦးညွှတ်လျက်)
ကိုဟိန်း..
ReplyDeleteကျနော် ကဗျာယူသွားပြီခင်ဗျ။
ကျေးဇူးပါ..။