လက်ညှိုးထိပ်မှာ နှလုံးသားနဲ့ဦးနှောက်ကိုတင်ထားသူ (သို့မဟုတ်) Pete Souza

Air Force One ပေါ်မှာ သမ္မတနဲ့အတူ အမြဲလိုက်ပါစီးနင်းခွင့်ရတဲ့သူဆိုလို့
အမေရိကန်နိုင်ငံမှာ များများစားစားမရှိပါ။ နိုင်ငံသား ၁သိန်းမှာ ၁ယောက်
သမ္မတလေယာဉ်ပေါ်ကို မတက်ရောက်ခဲ့ကြရပါဘူး။ ဒါပေမဲ့ သူကတော့
မတက်ချင်တဲ့အခိုက်အတန့်များ ရှိနေခဲ့ရင်တောင် မဖြစ်မနေလိုက်ပါစီးနင်းရတဲ့သူတစ်ဦးဖြစ်ပါတယ်။ သူ့ကို ၁၉၅၄ခုနှစ်မှာမက်ဆာချူးဆက်ပြည်နယ်က နယူးဘက်ဖို့ထ် မှာ မွေးဖွားခဲ့ပါတယ်။
ကြီးပြင်းလာတဲ့ အခါမှာတော့သိပ္ပံဘွဲ့၊လူမှုဆက်ဆံရေးပညာဘွဲ့၊လူထုဆက်သွယ်ရေးပညာဘွဲ့တို့ကို
တက္ကသိုလ်အသီးသီးကနေ ရရှိအောင်မြင်ခဲ့ပါတယ်။ Ohio တက္ကသိုလ်မှာလည်း
ဓာတ်ပုံသတင်းထောက်ဘာသာရပ်ရဲ့လက်ထောက်ပါမောက္ခအဖြစ်တာဝန်ထမ်းဆောင်ခဲ့ဖူးပါတယ်။ သူ့ရဲ့လူငယ်ဘ၀ဟာသာမန်ဖြတ်သန်းမှုမျိုးဖြစ်ခဲ့ပေမယ့် အရွယ်ရောက်လာတဲ့အခါမှာတော့
အရေးပါတဲ့လူတစ်ဦးဖြစ်လာခဲ့ပါတယ်။အမြဲတမ်းသူဟာသမ္မတအိုဘားမားရဲ့အနီးအနားတစ်ဝိုက်မှာရှိနေတတ်ပြီး သမ္မတရဲ့အနီးတစ်ဝိုက်ကိုအမြဲမျက်စိကစားနေပါတယ်။ သမ္မတရဲ့ကိုယ်ရံတော်တွေက ပတ်ဝန်းကျင်ကို
သင်္ကာမကင်းမျက်လုံးမျိုးနဲ့စောင့်ကြည့်နေချိန်မှာ သူကတော့ပတ်ဝန်းကျင်ကို ရင်ခုန်ပျော်ရွှင်စွာ၊အနုပညာဆန်စွာကြည့်တတ်ပါတယ်။ ဟုတ်ပါတယ်။ သူကတော့ သမ္မတရဲ့ပင်တိုင်ဓာတ်ပုံဆရာ Pete Souza ပဲဖြစ်ပါတယ်။ ပိထ် ရဲ့ ဘ၀မှာ ပတ်ဝန်းကျင်ကိုသာမန်အမြင်နဲ့ကြည့်တာထက်ကင်မရာချောင်းကြည့်ပေါက်ထဲက ဖြတ်သန်းကြည့်ရှုရတာက ပိုများချင်များနေနိုင်ပါတယ်။




ဓာတ်ပုံရိုက်ခြင်းဆိုတာကို လွန်ခဲ့တဲ့ နှစ်ပေါင်းနှစ်ထောင်လောက်က ဖီးနီးရှန်းလူမျိုးတွေက စတင်စူးစမ်းခဲ့တယ်။ ခရုတစ်ကောင်ရဲ့ အ၀ါရောင်ကျိချွဲချွဲအရည်တွေက သူ့ယက်ကြောင်းတစ်လျှောက်မှာ
နေရောင်နဲ့တွေ့တော့ ခရမ်းရောင်ပြောင်းသွားခဲ့တာကို သိခဲ့ကြတယ်။ဒီလိုနဲ့ အလင်းရဲ့အာရုံခံစားမှုကို မပျောက်မပျက်ထိန်းသိမ်းထားပေးနိုင်မယ့် ၀တ္ထုတစ်ခုပေါ်မှာဆိုရင် ပုံရိပ်တွေပေါ်နိုင်ကြောင်းတွေ့ခဲ့ကြတယ်။ 'Camera' ဆိုတဲ့စကားလုံးကိုက ဂရိဘာသာစကားအရ အလင်းရောင်ဖြင့်စာရေးခြင်း လို့ ကျွန်တော်တို့သိခဲ့ပြီးဖြစ်ပါတယ်။ ဘ၀တွေကို ပြချင်လို့ဓာတ်ပုံရိုက်တယ်။
သက်ရှိမျိုးစိတ်အသစ်တွေကို ရှာဖွေဖို့ ဓာတ်ပုံရိုက်တယ်။ အလှတွေကို ပြချင်လို့ ဓာတ်ပုံရိုက်တယ်။ ဆေးကုသဖို့အတွက် ဓာတ်ပုံရိုက်တယ်။အာကာသကိုကြည့်ချင်လို့ ဓာတ်ပုံရိုက်တယ်။
သွင်ပြင်ဒီဇိုင်းတွေဖန်တီးထုတ်လုပ်ဖို့ ဓာတ်ပုံရိုက်တယ်။ ရှုခင်းကောင်းတွေ ခံစားချင်လို့ ဓာတ်ပုံရိုက်တယ်။ စစ်ပွဲတွေပြီးဆုံးဖို့ ဓာတ်ပုံရိုက်တယ်။ ဆင့်ကဲပြောင်းလဲမှုကို ဖော်ထုတ်ဖို့ဓာတ်ပုံရိုက်တယ်။
လွမ်းလွမ်းဆွေးဆွေးရှိတဲ့အခါ ထုတ်ကြည့်ဖို့ ဓာတ်ပုံရိုက်တယ်။ လူသတ်သမားတွေကိုဖမ်းဆီးရမိဖို့ ဓာတ်ပုံရိုက်တယ်။ပြသကြွားဝါဖို့ ဓာတ်ပုံရိုက်တယ်။ ကျွန်တော်တို့ဓာတ်ပုံတွေအများကြီးရိုက်ကြပါတယ်။
ဒါတွေနဲ့တူတူပါပဲ။ ပိထ် ကလည်း သမိုင်းမှတ်တမ်းအတွက် ဓာတ်ပုံရိုက်ပါတယ်။သူဟာ သမ္မတရဲ့ ခရီးစဉ်တိုင်းမှာလိုက်ပါခဲ့ရပါတယ်။ Air Force One လေယာဉ်ပေါ်မှာ၊ Marine One လို့ခေါ်တဲ့ ဟယ်လီကော်ပတာပေါ်မှာ၊ The Beast လို့ခေါ်တဲ့ ကာဒီးလက်စ်ကားကြီးပေါ်မှာ တွေ့ရတတ်ပါတယ်။ ဒါပေမဲ့ သူဟာ သူလိုက်ပါရမယ့်ယာဉ်တွေပေါ်ကို ၁၅မိနစ်လောက်ကြိုရောက်နေတတ်ပြီး
သူရိုက်ကူးမှတ်တမ်းတင်ရမယ့် လမ်းကြောင်းကို ကြိုတင်စီစဉ်တတ်ပါတယ်။မြန်မာနိုင်ငံခရီးစဉ်မှာ သမ္မတအိုဘားမားနဲ့ မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်တို့ တစ်ယောက်နဲ့တစ်ယောက်
လက်အုပ်ချီနှုတ်ဆက်နေပုံဟာလည်းသူရိုက်ကူးမှတ်တမ်းတင်ခဲ့တာဖြစ်ပါတယ်။ ပြီးတော့ ရွှေတိဂုံဘုရားပေါ်က ပုံရိပ်တွေ၊ မြန်မာနိုင်ငံသမ္မတဦးသိန်းစိန်နဲ့ လက်ဆွဲနှုတ်ဆက်နေပုံတွေဟာလည်း
သူ့လက်ရာတွေဖြစ်ပါတယ်။သမ္မတအနီးကို လူတွေဝိုင်းအုံတိုးဝှေ့နေကြပေမယ့် သူကတော့ဆန့်ကျင်ဘက်ဝေးရာကိုပဲပြေးထွက်တတ်ပါတယ်။ လူတွေအများကြီး ၀ိုင်းအုံနှုတ်ဆက်နေတဲ့ သမ္မတရဲ့ပုံကို ရိုက်ယူရတာ သဘောကျပုံရပါတယ်။

ပိထ်ရဲ့လက်ရာတချို့ထဲကမှ သမ္မတဟာစားပွဲမှာထိုင်နေပြီး သူ့သမီးက ဆိုဖာနောက်မှာပုန်းလို့ ကျီစယ်နေပုံဟာ သဘာဝကျလွန်းတဲ့အတွက် အားလုံးရဲ့ဂုဏ်ပြုချီးကျူးခြင်းကို ခံခဲ့ရပါတယ်။ ဒါကိုဘဲဥပုံရုံးခန်းထဲမှာ ရိုက်ခဲ့တာပါ။ အိုဘားမားကတော့ ဒီပုံလေးကို ဘယ်အချိန်ရိုက်လိုက်မှန်း ကျွန်တော်မသိဘူးဗျာ။ ဒါပေမယ့် ကျွန်တော့်ကိုပင်ပန်းမှုတွေ ဆီကနေ ပြေးထွက်လွတ်မြောက်စေနိုင်တဲ့ ပုံကောင်းလေးတစ်ပုံပါလို့ပြောပါတယ်။ ပိထ်ဟာ အိုဘားမားရဲ့အနားမှာအမြဲရှိနေတတ်တဲ့အတွက် တစ်ခါတစ်လေ သူရှိနေတာကိုတောင်အားလုံးက  မေ့လျော့နေတတ်ကြပါတယ်။
ပိထ်ရဲ့လက်ရာတွေကို ပြန်ကြည့်ပြီးမှပဲ ဒါဘယ်တုန်းကလဲ မသိဘူး လို့
စဉ်းစားမိကြပါတယ်။ ပိထ်ဟာ ဘေးနှစ်ဖက်မှာ ကင်မရာနှစ်လုံး၊ ရင်ဘတ်မှာ
ကင်မရာတစ်လုံးဆွဲပြီး သမ္မတက ၁၆ နာရီအလုပ်လုပ်ရင် သူကလည်း ၁၆နာရီ
အလုပ်လုပ်ပါတယ်။ သူ့ရဲ့ ဘောင်းဘီအိတ်ထဲမှာ Memory Card တွေနဲ့ပြည့်နေပါတယ်။
အိမ်ဖြူတော်မှာတော့ ပိထ်ဟာ သူရဲ့ကိုယ်ပိုင်အလုပ်ခန်းအဖြစ်ယခင်ဆံသခန်းအဟောင်းကိုရထားပါတယ်။ သမ္မတတွေဟာတစ်ကိုယ်ရေသပ်ရပ်သန့်ရှင်းမှုအတွက်မျက်နှာပြင်သန့်စင်ခြင်း၊ဆံပင်ညှပ်ခြင်းကိစ္စတွေကို
ဒီအခန်းထဲမှာပဲအလုပ်လုပ်ရင်း၊ ၀န်ကြီးတွေရဲ့တင်ပြမှုတွေကိုနားထောင်ရင်း၊ ဖုန်းပြောရင်း လုပ်ခဲ့ကြပါတယ်။ အိုဘားမားလက်ထက်မှာတော့ဒီအခန်းဟာအသုံးမပြုတော့တဲ့အတွက်
သူ့ကိုပေးထားပါတယ်။ ဒါပေမယ့်သူ့ဟာ သူ့အလုပ်ခန်းထဲမှာနာရီဝက်ကြာအောင်တောင် မနေဘူးပါဘူး။ အမြဲတစေလိုလိုပဲ သမ္မတရဲ့အနီးမှာသူရင်ခုန်ပျော်ဝင်တဲ့ကင်မရာခလုတ်ကို တဖျပ်ဖျပ်နှိပ်နေပါတယ်။ သမ္မတ၊ကိုယ်ရံတော်အဖွဲ့နဲ့ ပိထ်တို့ဟာအမြဲတမ်းအတူတကွတွေ့နိုင်တဲ့ အစုအဖွဲ့လေးဖြစ်ပါတယ်။ သမ္မတဟာ နိုင်ငံတကာမှာ ကြီးကျယ်ခမ်းနားတဲ့မိန့်ခွန်းကြီးတွေကို ပြောဖို့အတွက်
ခန်းမရှိရာကို သွားဖို့ တစ်ခါတစ်လေ လုံခြုံရေးအရဘယ်သူမှမထင်ထားတဲ့နေရာကနေ
ဝင်ရောက်ရပါတယ်။ ဒီလိုဖြစ်ရပ်တွေထဲကမှ ကုန်ပစ္စည်းသယ်တဲ့ဓာတ်လှေကားကြီးပေါ်မှာ သမ္မတဟာ
သူရဲ့ဇနီးကို ကုတ်အကျိင်္နဲ့ယုယစွာနွေးထွေးပေးနေပုံဟာအိမ်ဖြူတော်အသိုင်းအ၀ိုင်းမှာ လူကြိုက်များတဲ့ ပုံတစ်ပုံဖြစ်ခဲ့ပါတယ်။ ပိထ်ဟာ သမ္မတနဲ့ လက်ဆွဲနှုတ်ဆက်တဲ့လူတွေ၊ စကားပြောဆိုနှုတ်ဆက်တဲ့လူတွေ ၊
အားလုံးကို မှတ်တမ်းတင်ပါတယ်။ တချို့ပုံတွေဟာ သမ္မတအတွက်
ဘာမှမပြောပလောက်ပေမယ့် လက်ဆွဲနှုတ်ဆက်ခံရတဲ့လူအဖို့တော့
တစ်သက်မှာနောက်တစ်ခါပြန်ကြုံချင်မှကြုံရမယ့်အမှတ်တရတစ်ခုဖြစ်တဲ့အတွက်လို့
သူကဆိုပါတယ်။ သူနဲ့ သူ့အဖွဲ့သားတွေဟာ တစ်ပတ်ကို ဓာတ်ပုံပေါင်း ၁၅၀၀၀ ကနေ
၂၀၀၀၀ အထိရိုက်ကူးမှတ်တမ်းတင်ကြပါတယ်။ ပိထ်ရဲ့ထင်ရှားတဲ့ဓာတ်ပုံတွေထဲမှာ
သမ္မတက သာမန်သန့်ရှင်းရေးသမားတစ်ဦးကို လက်ချင်းထိနှုတ်ဆက်နေပုံတွေ၊
လေတပ်ကသာမန်ရဲဘော်တစ်ဦးကို လက်ချင်းထိနှုတ်ဆက်နေပုံတွေ၊
တက္ကသိုလ်ကျောင်းသားတွေနဲ့ ဘတ်စကက်ဘောကစားနေတာတွေ၊ အားကစားခန်းမတစ်ခုမှာ
Bowling ကစားနေတာတွေ၊ သာမန်ကလေးငယ်လေးတစ်ဦးကို ချော့မြူနေပုံတွေ၊
စသည်ဖြင့် ပါဝင်ကြပါတယ်။

 





ဒီပုံတွေဟာ မှတ်တမ်းတစ်ခုဆိုတာထက်ပိုခဲ့ပါတယ်။ ဒီပုံတွေကို
အမေရိကန်ပြည်သူတွေတွေ့ကြရတဲ့အခါ သူတို့သမ္မတအပေါ်မှာပိုပြီးချစ်ခင်လေးစားလာကြတယ်။ သမ္မတရဲ့လူတန်းစားမခွဲခြားတဲ့စိတ်ဓာတ်ကိုအားကျလာကြတယ်။ သမ္မတဟာလည်း လူထုရဲ့ယုံကြည်ကိုးစားမှုကိုပိုရလာခဲ့တယ်ဆိုတာ ဘယ်သူမှမငြင်းနိုင်ခဲ့ပါဘူး။

 တစ်ခါက သမ္မတဟာ ကျဆုံးသွားတဲ့စစ်သည်တွေကို အလေးပြုဖို့၊ စစ်သည်တွေရဲ့
မိသားစုတွေကို လေးစားမှုရှိကြောင်းပြဖို့အတွက် Dover Air Force
လေတပ်အခြေစိုက်စခန်းကို သွားရောက်ခဲ့ပါတယ်။ ဒီအခါမှာ သမ္မတနဲ့ ပိထ်
တို့အတွက် ဖျောက်ဖျက်မရတဲ့ အမှတ်တရတစ်ခုဟာဝမ်းနည်းစွာဖြစ်လာခဲ့ပါတယ်။

သမ္မတရယ်၊ သူ့ရဲ့စစ်ရေးလက်ထောက်ရယ်၊ ကျွန်တော်ရယ် ၊ သုံးယောက်ပဲ
ခေါင်းတလားတွေရှိတဲ့ လေယာဉ်ထဲမှာ ရှိနေခဲ့ပါတယ်။ ကျွန်တော်
မျက်ရည်တွေဝဲလာတယ်။ ကျွန်တောဘယ်တုန်းကမှ
မှတ်တမ်းမတင်ခဲ့ဖူးတဲ့မြင်ကွင်းမျိုးပါ။ ပြီးတော့
သူ(သမ္မတ)လည်းတော်တော်ကိုစိတ်ထိခိုက်နေပါတယ်။ ကျွန်တော်ဟာဒီမြင်ကွင်းကို
သမိုင်းအတွက် ရိုက်ချင်ပါတယ်။ ဒါပေမဲ့ ကျွန်တော်မရိုက်ခဲ့ပါဘူး။ လို့ပိထ် က ပြောပါတယ်။

ပိထ် ဟာ သမ္မတရဲ့နိုင်ငံရေးဆိုင်ရာမိန့်ခွန်းဟောပြောပွဲတွေ၊
စည်းရုံးရေးခရီးစဉ်တွေ၊ နိုင်ငံရပ်ခြားခရီးစဉ်တွေ၊
အိမ်ဖြူတော်အတွင်းအလုပ်လုပ်နေပုံတွေ နဲ့
မိသားစုအတွင်းနေထိုင်မှုပုံစံတွေအားလုံးကို
အဆက်မပြတ် မှတ်တမ်းတင်နေခဲ့ပါတယ်။ ဒါတွေထဲကမှ သမ္မတက လူတွေ စိတ်ကြိုက်ဖြစ်မယ်ထင်တဲ့ ဓာတ်ပုံအကြောင်းကို ပြောပြပါတယ်။




အထက်လွှတ်တော်မှာ ပြောမယ့် မိန့်ခွန်းတစ်ခုပါ။ ကျွန်တော်ကကျွန်တော့်ရဲ့မိန့်ခွန်းရေးသားပေးသူ ဂျွန်ဖာဗရိုးနဲ့အတူ
မိန့်ခွန်းအကြမ်းကို ဖတ်ကြည့်ပြီး အဲဒီစာရွက်ပေါ်မှာခပ်သော့သော့ရေးခြစ်ပြင်ဆင်တာကို ရိုက်ခဲ့တာဖြစ်မယ်ဗျ။ဒါဟာစာရွက်တစ်ရွက်ကို ဓာတ်ပုံရိုက်ထားတာပါပဲ။ ဘာမှမဆန်းဘူးလို့
ထင်မိမှာပါ။ ဒါပေမဲ့ အကျယ်ချဲ့ပြီး အနီးကပ်ကြည့်လိုက်တဲ့အခါ အိမ်ဖြူတော်ရဲ့ နေ့စဉ်လုပ်ငန်းဆောင်တာတွေ ဘယ်လိုလည်ပတ်နေတယ်ဆိုတာ
ပြည်သူတွေရိပ်စားသိရှိလာမယ်ထင်ပါတယ်။

ကဗျာဆရာလှသန်းကရေးခဲ့ဖူးပါတယ်။ ဘယ်သူဟာ သွားကြားထိုးနေရင်း ပဲခူးရိုးမထဲက
ဝါးရုံတောကြီးကို သတိရကြမှာလဲ ..တဲ့။ ဟုတ်ပါတယ်။ ကျွန်တော်တို့ဟာ
မူရင်းအကြောင်းအရာအချို့ကို မေ့လျော့နေတတ်ကြတယ်။ စာအုပ်တစ်အုပ်ဖတ်တဲ့အခါ
စက္ကူတီထွင်သူကိုမေ့နေတာမျိုး၊ ကမ္ဘာလုံးကြီး ပုံဆွဲတဲ့အခါ
ဂလီလီယိုကိုမေ့နေတာမျိုး၊ ဘောင်းဘီတစ်ထည်ကိုနှစ်သက်မိတဲ့အခါ
ဇစ်တီထွင်သူကိုမေ့နေတာမျိုး၊ ကျွန်တော်တို့အများကြီးမေ့နေခဲ့ကြပါတယ်။
သမ္မတတွေရဲ့ ဓာတ်ပုံတွေကိုပြန်ကြည့်တဲ့အခါ ၀မ်းသာ၊လွမ်းဆွတ်၊အံ့သြ၊ရွံ့ရှာ၊နာကျည်း၊သနား၊နားမလည်၊အမှန်တရား၊
တစ်ခုခုကိုခံစားလိုက်ရရင်ပဲ သူတို့ရဲ့ဓာတ်ပုံဆရာတွေကိုကျွန်တော်တို့
အလေးထားသင့်လဲ ဆိုတာသိလာပါတယ်။ သူတို့တွေဟာအချိန်တိုင်းအနားမှာရှိနေတဲ့အတွက် ကျွန်တော်တို့လုံးဝထင်မထားတာတွေကိုလည်းရိုက်ကူး မှတ်တမ်းတင်နိုင်ပါတယ်။

ဒါပေမဲ့ သမ္မတတိုင်းကတော့ဒီတန်ဖိုးတွေကိုမမြင်ခဲ့ပါဘူး။
သမ္မတရစ်ချတ်နစ်ဆင်(အမေရိကားရဲ့၃၇ယောက်မြောက် 1969 - 1974)ဟာဆိုရင် သူ့ရဲ့
ဓာတ်ပုံဆရာခေါင်းဆောင် အိုလီအတ်ကင်ကိုစည်းကမ်းအချို့နဲ့ကန့်သတ်ထားခဲ့ပါတယ်။ သမ္မတရာထူးမှ
နှုတ်ထွက်မယ့်အကြောင်းမိန့်ခွန်းပြောမယ့်ညမှာပဲ သမ္မတဟာ အတ်ကင် ကို
စကားအချို့ပြောခဲ့ပါတယ်။

"ဘာဓာတ်ပုံမှ မရိုက်နဲ့၊ မလုပ်နဲ့။ ရုပ်သံလွှင့်ပြီးမှ မင်းရိုက်ပါ။
အခုကစပြီး ဘာပုံမှမရိုက်နဲ့" လို့ ပြောခဲ့ပါတယ်။

သမ္မတတွေရဲ့ ဓာတ်ပုံဆရာတွေဟာအိမ်ဖြူတော်ရဲ့မိသားစုဝင်တွေလိုဖြစ်လာခဲ့ပါတယ်။
သမ္မတအိုဘားမားရဲ့အားလပ်ရက်အပန်းဖြေခရီးတွေမှာလည်း ပိထ် ဟာအတူလိုက်ပါခဲ့ရပါတယ်။ တစ်ခါတစ်လေမှာ နေ့တစ်နေ့ရဲ့လုပ်ငန်းဆောင်တာများပြီးဆုံးချိန် အိုဘားမားနဲ့
ဝိုင်အချို့သောက်သုံးရင်းစကားစမြည်ပြောခွင့်ရတာဟာလည်း ပိထ် ပဲဖြစ်ပါတယ်။
ရက်သတ္တပတ်အနည်းငယ်ကြာတိုင်း ပိထ် နဲ့သူ့အဖွဲ့သားတွေဟာဓာတ်ပုံအသစ်တွေကိုသယ်လာကြပါတယ်။ ၁ပေခွဲ ၊ ၃ပေအရွယ်အစားတွေဖြစ်ပါတယ်။ဒါတွေကို အိမ်ဖြူတော်အနောက်ဘက်အဆောင်ရဲ့ နံရံတွေပေါ်မှာချိတ်ဆွဲမှာဖြစ်ပါတယ်။ သမ္မတနဲ့ အမြဲမလိုက်ပါရတဲ့သူတွေဟာ
သမ္မတရဲ့မှတ်တမ်းအားလုံးကိုကြည့်ရှုနိုင်ဖို့ဖြစ်ပါတယ်။ဒါပေမဲ့ ရိုက်ကူးသမျှတစ်ပတ်ကို ၁၅၀၀၀ကနေ
၂၀၀၀၀အထိရှိတဲ့ပုံတွေအားလုံးတော့မဟုတ်ပါဘူး။အိမ်ဖြူတော်ရဲ့ဓာတ်ပုံအယ်ဒီတာက ရွေးချယ်တည်းဖြတ်ပေးတဲ့
ပုံတွေကိုပဲချိတ်ဆွဲပြသတာဖြစ်ပါတယ်။ကျန်တာတွေကိုတော့ဓာတ်ပုံမော်ကွန်းပြတိုက်လို့အမည်ပေးထားတဲ့ Hard Diskတွေနဲ့သေချာသိမ်းဆည်းထားပါတယ်။ ဘာပဲဖြစ်ဖြစ်ပါ။

အိမ်ဖြူတော်ဝန်ထမ်းအားလုံးဟာ ဒီဓာတ်ပုံတွေကိုရပ်ပြီးကြည့်ရတာနှစ်ခြိုက်ကြပါတယ်။ ဓာတ်ပုံအသစ်တွေလဲလှယ်စရက်တွေမှာဓာတ်ပုံတွေချိတ်ထားတဲ့နံရံဘေးကစကြံင်္ဟာ ၀န်ထမ်းတွေနဲ့ပြည့်ကျပ်နေပါတယ်။ပိထ် ရဲ့ ဓာတ်ပုံတွေဟာမျက်နှာအမူအရာအားလုံးကို မှတ်တမ်းတင်ထားနိုင်ပါတယ်။ဇာတ်လမ်းဇာတ်ကွက်တွေ အားလုံးကိုပြောပြနိုင်ပါတယ်။ တစ်ခါတစ်လေ
သမ္မတကိုယ်တိုင်အသစ်ချိတ်ဆွဲမှုကို လာကြည့်ပါတယ်။ " သူကကြမ်းပြင်ပေါ်မှာချထားတဲ့ဓာတ်ပုံတွေကို ဒူးထောက်ပြီး ကြည့်နေမယ်။သူ့စိတ်ကြိုက်တဖျပ်ဖျပ်လှန်ပြီးကြည့်တယ်။ကြည့်ရင်းနဲ့လည်း
လေချွန်နေတတ်တယ်။ ပြီးတော့ပုံအသစ်တွေကိုကြည့်တာတကယ်မိုက်တယ်ကွာလို့ပြောမယ်။ " လို့ ပိထ် က ဆိုပါတယ်။

ရက်သတ္တတစ်ပတ်၊၁၀ရက်ခန့်သာဓာတ်ပုံတွေကိုချိတ်ဆွဲပါတယ်။အဲဒီအချိန်ထက်ပိုရင်တော့အသစ်လှဲလှယ်ပါတယ်။ ဒါပေမဲ့သူ့ရဲ့တောင်းဆိုချက်နဲ့ တစ်နှစ်ခွဲကျော်ကျော်လောက် နံရံပေါ်မှာရှိနေခဲ့တဲ့
ဓာတ်ပုံတစ်ပုံအကြောင်း သမ္မတက ပြောပြပါတယ်။ "ပိထ် ရဲ့လက်ရာတွေဟာ
အံ့သြဖွယ်ကောင်းပါတယ်။အဲဒါကရိုးရှင်းတဲ့ဓာတ်ပုံတစ်ပုံပါ။ကျွန်တော့်အိမ်ဖြူတော်ဝန်ထမ်းတစ်ယောက်ရဲ့ကလေးလေးပါ။
အသက်ကသုံးနှစ်ကျော်လေးနှစ်လောက်ပဲရှိမယ်ထင်တယ်။ဒါပေမဲ့ သူကကျွန်တော့်ကို
မကြောက်မရွံ့ရဲရဲတင်းတင်းစကားပြောပါတယ်။သူနဲ့ကျွန်တော်ကဆံပင်ပုံစံတူတယ်လို့လူတွေကပြောကြတယ်တဲ့။ ဒါကြောင့် သူသိချင်တယ်တဲ့။ကျွန်တော်လည်း ခေါင်းငုံ့ပေးလိုက်ပါတယ်။
သူကျွန်တော့်ခေါင်းပေါ်ကဆံပင်ဖြူတွေအကြောင်းမေးမလားမျှော်လင့်ရင်းနဲ့ပေါ့ဗျာ။
ဒါပေမဲ့သူက ကျွန်တော့်ခေါင်းကိုဖွဖွလေးပဲပုတ်ခဲ့ပါတယ်။ဘယ်လိုရှိနေမယ်ဆိုတာ သိချင်ရုံသက်သက်ပဲပေါ့။ အဲဒါကို ပိထ် ကဓာတ်ပုံရိုက်ယူလိုက်ပါတယ်။ ဒီပုံဟာ
နံရံမှာတစ်နှစ်ခွဲကျော်ကျော်လောက်ရှိနေခဲ့တယ်ထင်တယ်။ဘာလို့လည်းဆိုတော့
ကိုယ့်ကိုယ်ကို အရမ်းဘ၀င်မမြင့်စေဖို့သတိပေးရအောင်ပါ။ ၄နှစ်သားကလေးက
အိမ်ဖြူတော်ရဲ့ ဘဲဥပုံရုံးခန်းထဲမှာ ခင်ဗျားခေါင်းကိုပုတ်ခဲ့မယ်ဆိုရင် ခင်ဗျားလည်းကျွန်တော့်လိုပဲခံစားရမှာပါ။"
၁နှစ်ခွဲအတွင်းမှာ ပိထ် နဲ့သူ့အဖွဲ့ဟာ ဓာတ်ပုံပေါင်း
၁သန်းကျော်ရိုက်ကူးခဲ့ပါတယ်။ သူတို့ဟာ အများသဘောတူညီမှုရဖို့
ကျားကုတ်ကျားခဲကြိုးပမ်းရတဲ့အလုပ်တွေ၊ မြို့တော်ခန်းမစည်းဝေးပွဲများစွာ၊
လွှတ်တော်နှစ်ရပ်လုံးမှာ မိန့်ခွန်းပြောတာတွေ ရာပေါင်းများစွာထဲမှာ ဘ၀ကို
နှစ်မြုပ်ပျော်မွေ့နေကြပါတယ်။ပိထ် ဟာ ၀ါသနာရဲ့တွန်းအား ၊
ရိုက်ခဲ့ပြီးတဲ့ဓာတ်ပုံတွေရဲ့တွန်းအားနဲ့ တစ်ရက်ကို ၁၀နာရီလောက်
ကင်မရာခလုတ်ကိုနှိပ်နေပါတယ်။ ပိထ်ဟာ မိသားစုကို
အချိန်အများကြီးမပေးနိုင်တဲ့အတွက် ၀မ်းနည်းတယ်ဆိုပေမယ့် ဒီအလုပ်လုပ်ရတာဟာ
ကမ္ဘာပေါ်မှာ ကံအကောင်းဆုံးလူတွေထဲကတစ်ယောက် အဖြစ်ခံစားရတယ်လို့ဆိုပါတယ်။
သူ့ကို လူတွေ အမြဲမေးတဲ့ မေးခွန်းအကြောင်းလည်းသူက ဒီလိုပြောပါတယ်။
"ဘယ်ပုံက ကျွန်တော့်စိတ်ကြိုက်အဖြစ်ဆုံးဓာတ်ပုံလဲတဲ့။ လူတွေက မေးကြတယ်။
ကျွန်တော်အမြဲတမ်းပြောတတ်တာက ကျွန်တော်နောက်ထပ်ရိုက်မယ့်ပုံတစ်ပုံပါလို့။ ကျွန်တော့်ရဲ့ မနက်ဖြန်တိုင်းမနက်ဖြန်တိုင်းမှာ နောက်ထပ်ခလုတ်နှိပ်ရမယ့် မြင်ကွင်းတွေကိုကျွန်တော်အရမ်းမက်မောရင်ခုန်ပါတယ်။"

သမ္မတအိုဘားမားရဲ့ဘ၀ဇာတ်ကြောင်းတွေအကြောင်း ၊
သူတာဝန်ယူခဲ့တဲ့နှစ်တွေအကြောင်း ရေးသားရိုက်ကူးမယ့်
စာအုပ်၊ဓာတ်ပုံ၊ရုပ်ရှင်တွေ အများကြီးရှိလာဦးမှာပါ။ ဒါပေမဲ့ Pete Souza
ရဲ့ ဓာတ်ပုံတွေဟာ အိမ်ဖြူတော်မှာ ဘာတွေဖြစ်ခဲ့တယ်၊ Air Force One
ပေါ်မှာဘာတွေဖြစ်ခဲ့တယ်၊ ဘဲဥပုံရုံးခန်းမှာ ဘာတွေဖြစ်ခဲ့တယ်၊ ဆိုတာတွေကို
တစိတ်တပိုင်းလှစ်ဟပြနေဦးမှာဖြစ်ပါတယ်။ သူ့ရဲ့ လက်တွေဟာလည်း
ကင်မရာခလုတ်တွေကို ရင်ခုန်တွေးတောစွာ ဆက်လက်နှိပ်သွားဦးမှာဖြစ်ပါတယ်။



ဟိန်း

(22.12.12)


ကိုးကား

-NatGeo(President's Photographer)
-နေ၀င်းမြင့်(ကောင်းကင်ဓာတ်ပုံအက်ဆေး)
-en.wikipedia.org/wiki/Pete_Souza
-www.petesouza.com-www.facebook.com/pages/Pete-Souza-Photographer