သံမဏိနှင်းဆီအတွက် တစ်ကိုယ်လုံးမီးရှို့ မြေသြဇာလုပ်ပေးမယ့် ကဗျာ(၆)

ဒီဘက်က ပလောပီနှံဥထည့်ရင် ဟိုဘက်က အချိုမှုန့်တွေထွက်ကျလာပေမယ့်
ဒီဘက်က တစ်ကျောင်းလုံးတစ်မြို့လုံးသိပ်ထည့်ရင်တောင်
ဟိုဘက်က ကဗျာဆရာတစ်ယောက်ထွက်မကျလာနိုင်ဘူး။

အေး ဒီဘက်ကတစ်သက်လုံးအတွက် တိုင်းပြည်တစ်ပြည်စာထိုးထည့်ရင်တောင်
ဟိုဘက်က တစ်ခေတ်လုံးအတွက် ခေါင်းဆောင်ကောင်းတစ်ယောက် ထွက်မကျလာနိုင်ဘူး။

အစောကြီးကတည်းကပြောပြီးသား
အသုံးချမယ်ဆိုရင်
ရှင်သောက်ပြီးလွှင့်ပစ်လိုက်မယ့် မီးမငြိမ်းသေးတဲ့စီးကရက်တစ်လိပ်အတွက်
အမှိုက်ကစ ပြဿဒ်မီးမလောင်စေဖို့ ဆေးလိပ်ခွက်တစ်ခုအဖြစ် ကျွန်မရှိနေမယ်။
အစောကြီးကတည်းကပြောပြီးသား
ဘယ်သူလုပ်လုပ် ငြိမ်းချမ်းရေးရမယ်ဆို ကျွန်မကိုယူ။
ကျွန်မကြောင့် ကမ္ဘာကြီးလင်းထိန်သွားမယ်ဆို ကျွန်မကို မီးပုံထဲပစ်ထည့်လိုက်။
ကျွန်မကြောင့် အရိပ်ရမယ်ဆို ကျွန်မအရေပြာကိုဆုတ်ဖြဲ ကောင်းကင်လုပ်ပစ်လိုက်။
အရိုးကိုတော့ ကျွန်မတိုင်းပြည်ကာကွယ်ရေးအတွက် ဓါးတွေလုပ် ဒါမှမဟုတ်လည်း
ကျွန်မနိုင်ငံလုံခြုံရေးအတွက် ခြံစည်းရိုးခတ်လိုက်ပေါ့။

ကျွန်မမျက်လုံးတွေကိုတော့
နှစ်ခြိုက်စွာအိပ်ပျော်နေမယ့် ရှင်တို့ရဲ့အိပ်မက်အပြင်ဘက်မှာ ကင်းစောင့်များအဖြစ်ချထားလိုက်။
ကျွန်မပြည်သူတွေအတွက်
ရှင်တို့ရဲ့လေးလံတဲ့ငရဲကိုတောင် ပြောင်းယူလိုက်ဖို့ရာမှာ ကျွန်မအဆင်သင့်။

အသုံးချမယ်ဆိုရင်လည်း
မြန်မြန်
လူတွေလည်းမောလှပြီး တိုင်းပြည်လည်းမွဲလှပြီ အဓိပ္ပါယ်တွေလည်းမဲ့လှပြီ။
မြန်မြန်
ရှင်တို့လိုချင်တာအကုန်ပြောလိုက်
မြန်မြန်
ဒီမီးတောင် မပေါက်ကွဲသေးခင် မီးတောင်ဝမှာကျွန်မကျောခင်းအိပ်နေမယ်
တစ်မြို့လုံး ဒါမှမဟုတ် ရှင်တို့ လွတ်ရာကျွတ်ရာမရောက်ခင်အထိ ကျွန်မ  ဒီမှာ
ဘုရားအလောင်းမျောက်မင်း ခါးကိုကြိုးစနဲ့ချီ သစ်ပင်ကိုလှမ်းဆွဲထားလိုက်သလို ကျွန်မ ဒီမှာ
သူမေဓါရှင်ရသေ့က ရွှံ့ညွန်ဗွက်အိုင်မှာ သူ့ခန္ဓာကိုချခင်းထားသလိုပေါ့ ကျွန်မ ဒီမှာ။  မြန် မြန် ရှင်တို့မြန်မြန်။ မြန်နိုင်သလောက်မြန် ဟစ်ဟော့တွေပြောသလို ဂြိုဟ်တုတွေထိုးတက်သွားသလို
မြန် မြန်။ ။ မြန်မာပြည်ကြီးငြိမ်းချမ်းသာယာဖို့ ရှင်တို့တွေ မြန်မြန်။ ။

                                                                                                   ခရမ်းပြာထက်လူ
                                                                                                   (  ၂  ၀  ၁  ၃  )