Tuesday, May 28, 2013
မင်းကိုနိုင်အတွက် ကဗျာ
ဘယ်အကြောင်းနဲ့ဖြစ်ဖြစ် ငါ့အခေါင်း ငါတာဝန်ယူတယ်
ကမ္ဘာမြေငါ့အတွက်နဲ့ ထင်းတစ်စ မစိုက်စေရဘူး။
ဘယ်အကြောင်းနဲ့ဖြစ်ဖြစ် ငါ့အဓိပ္ပါယ် ငါတာဝန်ယူတယ်
ကမ္ဘာမြေငါ့အတွက်နဲ့ မျက်ရည်တစ်ပေါက်မကျစေရဘူး။
ဘယ်အကြောင်းနဲ့ဖြစ်ဖြစ် ငါ့*ပရိုဖိုင်ကိုဝင်မစီးနဲ့
ငါ့သမိုင်းနဲ့ ငါ့လိုင်းကို ငါတာဝန်ယူတယ်။
ဘုရားသခင်နဲ့တွေ့ချင်လို့ ဒီလမ်းကို ငါဖေါက်နေတာမဟုတ်ဘူး
ပေါင်မုန့်နဲ့အာလူးငတ်နေသူများအတွက်
မေတ္တာတရားနဲ့နွေးထွေးမှုတွေဥပေက္ခာအပြုခံထားရသူတွေအတွက်
တရားမျှတမှုနဲ့ငြိမ်းချမ်းမှုကို အရူးအမူးဆာလောင်နေသူများအတွက်
မနေ့ကမွေးပြီး ဒီနေ့ကြိုးမိန့်ကျဖို့ကျိန်စာပါလာသူများအတွက်
ငါ့တစ်ကိုယ်လုံးမီးရှို့ပြီး ငါရောက်လာခဲ့တယ်။
အဲ့ဒီအတွက် ငါ့ခေါင်းကိုဖြတ်ယူသွားမလား
ငါလိုက်ခဲ့မယ် ငါ့သွားတွေ မင်းပေါင်ကို ကိုက်ခဲလျက်က။
အဲ့ဒီအတွက် သေနတ်တစ်လက်နဲ့ ငါ့ဦးခေါင်းကိုတေ့ ဖြုတ်ချလိုက်မလား
ရတယ်
မာလာလာဦးခေါင်းထဲကပြန်ထွက်လာတဲ့ကျည်ဆံတစ်ထောင့်လို တစ်နေ့
မင်းနဲ့ငါပြည်သူတွေရှေ့ ပြန်ရောက်လာမယ်ဆိုတာကိုလည်း ငါ့ကိုယ်ငါ *ဂရန်တီ ပေးခဲ့မယ်။ ။
ခရမ်းပြာထက်လူ
( ၂ ၀ ၁ ၃ )
*profile
*guarantee
ခင်ဗျားတို့သတိရစေဖို့က အကျဉ်းထောင်ထဲမှာနှစ်ပေါင်းများစွာနေလာပြီး ပြင်ပလေကလေး
အားရပါးရရှူလိုက်မယ်ပြင်နေတုန်း ဆေးလိပ်ခုံ ဆိုက္ကားဂိတ်ကအစ အလုပ်ရုံ စက်ရုံ ကုမ္ပဏီတွေနဲ့
ရှေ့တန်းစစ်မျက်နှာပြင်တွေမကျန် ပြဿနာမျိုးစုံကိုလိုက်ဖြေရှင်းရင်း နားချိန်မရတဲ့လူငယ်ဘ၀အ
မှောင်ထုကြီးထဲကထွက်လာတဲ့လူရွယ်ဘ၀ရဲ့လွတ်လပ်ခွင့်တွေကိုတောင် သူတို့ချစ်တဲ့လူထုကြီး
လက်ထဲ ရက်ရက်ရောရောပစ်ထည့်ထားတဲ့သူတွေပါဗျာ။ခင်ဗျားတို့ သဘောတူတာမတူတာ ကြိုက်
တာမကြိုက်တာ ခင်ဗျားတို့ရဲ့လွတ်လပ်ခွင့်ပါ။ဒါပေမယ့်ဘာပြောပြော ဘာလုပ်လုပ် ရှေ့လည်းမကြည့်
နောက်လည်းမကြည့် ပြောစရာစကားအစလေးရလာပြီဆိုတာနဲ့ မြန်မြန်ဆန်ဆန်ဆွဲထုတ် သွေးကွဲ
စကားတွေ ဗလုံးဗထွေးနဲ့အန်ထုတ် တိုက်ခိုက်ဖို့ပြင်တော့တာပဲ။ ခင်ဗျားတို့လုပ်နေတာက ဒီလူတွေကို
ဆုတ်ပြဲအောင်ဖြဲနေတာနဲ့မတူပဲ တစ်တိုင်းပြည်လုံးကိုနူးသွားအောင် ရေထဲဆွဲနှစ်နေသလိုပါပဲ။
ဖြုတ်ကြည့်လိုက်ပါ ၁။ ဒေါ်အောင်ဆန်းစုကြည် ကို
ဖြုတ်ကြည့်လိုက်ပါ ၂။မင်းကိုနိုင်နဲ့ ၈၈ အဖွဲ့ကို
ပြီးရင် ခင်ဗျားတပ်ချင်တဲ့သူတွေရဲ့
နာမည်ကို ပြန်စီပေးပါ။ ဒီမှာ ခင်ဗျားလည်းဘာမှမဟုတ်သလို ကျွန်တော်လည်း ဘာမှမဟုတ်ပါဘူး
လုပ်နိုင်ခွင့်ရှိသူတွေလုပ်နေတဲ့အချိန်မှာဆင်ခြင်တုံအသိတရားလေးလက်ကိုင်ထားပြီး မကူညီရင်နေ
မနှာက်ယှက်ပါနဲ့ ဆိုတဲ့သတိလေးကပ်ပြီးလိုက်ခဲ့ပါ ကျွန်တော်တို့ဘာမှမလိုချင်ပါ ဘာမှလည်းမဖြစ်
ချင်ကြပါ နောက်ဆုံး ဗိုလ်ချုပ်ပြောသလို လွတ်လပ်ရေးရပြီးရင် အေးအေးဆေးဆေး အနားယူစာရေး
မယ်ဆိုတဲ့အတိုင်း ရေးလက်စကဗျာတွေပစ်ချပြီးမိသားစုတွေနဲ့အတူ ပျော်ပျော်လေးနေပစ်လိုက်ချင်သူ
တွေပါ။အရာရာကိုမျက်စေ့စုံမှိတ်ယုံကြည်ရမယ်လို့မဆိုလိုပါဘူး။တည်ဆောက်တဲ့အထဲမှာမပါချင်နေပါ
ဖြိုခွဲတဲ့အထဲမှာတော့ခင်ဗျားတို့မနေပါနဲ့။ ကျွန်တော်တို့တိုင်းပြည်ရဲ့ နယူးဗားရှင်း အတွက် ကျွန်တော်
တို့ အုတ်တစ်ချပ် သဲတစ်ပွင့်အဖြစ်ပါဝင်ခဲ့ကြတာဟာ ခင်ဗျားရောခင်ဗျားမိသားစုတွေအတွက်ပါ ပါ ပါတယ်။
အဲ့ဒါကို သတိရစေချင်ပါတယ်။
Subscribe to:
Post Comments (Atom)
No comments:
Post a Comment