သံမဏိနှင်းဆီအတွက် တစ်ကိုယ်လုံးမီးရှို့မြေသြဇာလုပ်ပေးမယ့်ကဗျာ(၂)

နားပါ ဒီအကိုင်းကကြီးတယ် ဒီဂိုဏ်းကခိုင်တယ်
နားပါ ဒီအသိုင်းအ၀ိုင်းကကြီးတယ် universal love တံဆိပ်နဲ့။

ချစ်ဖို့ရောက်လာကြတဲ့သူတွေအတွက်
သူများအသက်မသတ် သတ်သတ်လွတ်စားပြီးစောင့်နေတယ်။
ပိုပေါ့မရှိ ဟစ်တစ်လာမရှိ ဖရန်ကိုမရှိ စောင့်နေတယ်။

အဲ့ဒီ တီရှပ်တစ်ထည်ရဲ့အောက်မှာ
သွေးပေါင်တွေထိုးကျ သေငယ်ဇောနဲ့မျောနေတဲ့ ရေခဲတိုက်ရောက် နိုင်ငံတစ်နိုင်ငံကို
update ဖြစ်ဖို့အတွက် upgrade လုပ်ဖို့စောင့်နေတဲ့တိုင်းချစ်ပြည်ချစ်တွေရှိတယ်။

လိုတာပေါ့ အရေးပေါ်ချစ်ခြင်းမေတ္တာတွေနဲ့
အရာရောက်နားလည်မှုကိန်းဂဏာန်းတွေ။

ဒီမှာ တွေ့ဘူးလား
ပိတောက်ပန်းတွေလို ၀ါထိန်အောင် လှနေတဲ့မိန်းမ

ဒီမှာ တွေ့ဘူးလား
စိန်ပန်းနီနီရဲရဲတွေနဲ့ သွေးထွက်အောင်လှနေတဲ့မိန်းမ

ဒီမှာ တွေ့ဘူးလား
Deification of Aung San Suu Kyi လို့အပြောခံရတဲ့မိန်းမ
ငါတို့အတွက် တစ်ကယ့် main subject ကြီးနဲ့
နောက်ဘယ်တော့မှထပ်မရနိုင်တော့တဲ့ ဆုလာပ်ကြီး။

အချစ်ဆိုတာ အချစ်ခံရမှ အချစ်မဟုတ်ဘူးကွ
အချစ်ဆိုတာ ကိုယ်ကချစ်နေတာ ဘာပဲဖြစ်ဖြစ် ဗုံးဆံအမြှောက်ဆံကြားထဲက
ဟင်းလင်းပွင့်ရင်ဘတ်ကြီးထိုးခံပြီး အသက်ပေး သမိုင်းပေးချစ်နေတာ။
အချစ်ဆိုတာ တစ်ခါတစ်လေ နည်းနည်းတော့စောင်းချင်စောင်းမှာပေါ့
နှစ်ဆယ့်သုံးနှစ်ပိုင်းတစ်ပိုင်းဒီဂရီ တိမ်းစောင်းနေတဲ့ ကမ္ဘာကြီးကိုတောင်
ငါတို့ ရအောင်ချစ်ခဲ့သေးတာပဲ။

ဘာနှလုံးသွေး ဘာမျက်ရည်အဆွေးစမှမပါပဲ
အမေ အမေ လို့ ရင်ခေါင်းကွဲသံကြီးနဲ့အော်နေတဲ့ခင်ဗျားတို့ရဲ့ ၄,၃,၂ လင်္ကာတွေ
အဖတ်ဆယ်လို့မရတော့တဲ့ ‘‘ကွန်ဆာဗေးတစ်’’ ၀ါကျတွေနဲ့ ‘‘ရိုမန်းတစ်’’ မုသာဝါဒအလွမ်းတွေ။

ဓါတ်တိုင်ကို ၀ါးလုံးခြောက်နဲ့ဖြောင်းကနဲရိုက်ချလိုက်လို့
ထွက်ပြေးသွားတဲ့ ဗလကြီးလို
အုတ်ရောရော ကျောက်ရောရောနဲ့ ရောမိရောရာ ရောဆရာများ နေခဲ့။

ဒီအနှစ် ၆၀ကျော်
သံဗုဒ္ဓေဂါထာနဲ့မရခဲ့တဲ့ ဒီမကျွတ်မလွတ် တစ္ဆေတွေအတွက်
ဒီအနှစ် ၂၀ ကျော်ကို
လင်သေ တစ်ခု သားအရှင် ၂ ယောက်ကို ပစ်ထားခဲ့ပြီး သူလာခဲ့တာလေ။
လူပါးသာ ၀တတ်ပြီး နိုင်ငံရေးပါးမ၀တဲ့ ဒီလူအုပ်ကြီးကို အ၀ီစိကဆွဲတင်ဖို့ ရောက်ခဲ့ရတာလေ။

ဖြုတ်ကြည့်လေ အဲ့ဒီကောင်းကင်ကို
ခြောက်သွေ့ကွက်လပ် တောရိုင်းမြေအတွက် ဘယ်လိုမိုးတွေရွာချလာမလဲလို့။

တစ်နေ့သေရမယ့်သူအချင်းချင်း ဘာလို့ ညှင်းသိုးသိုးစိုက်ကြည့်နေကြတာလဲ

ရှေ့က ကမူကထစ်နဲ့ ရွှံ့နွံဗွက်တောတွေထဲမှာ
အ၀တ်စုတ်တွေကိုလုံးထွေး ဘောလုံးလုပ်ကစားနေတဲ့ မင်းကလေးတွေရဲ့အနာဂါတ်
မင်းဘာလုပ်မလဲ။

ပုံပြင်ထဲက အဖိုးအိုတစ်ယောက်လို ငါတို့ သရက်ပင်တစ်ပင်စီ မစိုက်ခဲ့သင့်ဘူးလား။

ကိုက်ဝါးဖို့ သွားတွေချည်းစိုက်နေတဲ့ ကြက်ဆူပင်တွေကြားမှာ
ငါတို့ အမှန်တရားဆိုတဲ့ အမြိုက်ဆေးပင်ကြီးကိုဝိုင်းမစိုက်သင့်ဘူးလား။

ရန်သူတွေဝိုင်းနေတယ် သေနတ်သံတွေဆူနေတယ် ချိုးငှက်တွေသေနေတယ်
အုပ်ကွဲလို့ နဂါးလည်းဆွဲ ကျားလည်းဆွဲနေပြီ။
လိုက်ခဲ့ ခေါင်းမပါလည်း ကိုယ်ချည်းပဲ ငြိမ်ငြိမ်လေးလိုက်ခဲ့
လိုက်ခဲ့ ဒီမိန်းမရဲ့အချစ်မှာ မကူညီရင်နေပါ မနှောက်ယှက်ပါနဲ့ဆိုတဲ့အသိနဲ့ ငြိမ်ငြိမ်လေးလိုက်ခဲ့
လိုက်ခဲ့ သူ့ဆံပင်တွေပေါ်နှင်းဆီပွင့်လေးတစ်ပွင့်လို
လိုက်ခဲ့ ဒီမိန်းမရဲ့စွန့်လွတ်စွန့်စားမှု ဒုက္ခနဲ့လျှော်ဖွပ်ထားတဲ့ ပျားရည်အိုးကြီးထဲမှာ
လိုက်ခဲ့ မြင်းမှီးကိုကျစ်ကျစ်ပါအောင် ဆွဲပြီး သိဒ္ဓတ္ထမင်းသားနောက် မောင်ဆန်လိုက်သလို လိုက်ခဲ့
လိုက်ခဲ့ စီးကရက်တစ်လိပ်ရဲ့မီး တဖြေးဖြေ တစစ လောင်ကျွမ်းကုန်ဆုံးသွားသလိုသတ္တိနဲ့ရဲရဲရင့်ရင့်
လိုက်ခဲ့ မင်းဖို့လည်းမဟုတ်ဘူး သူ့ဖို့လည်းမဟုတ်ဘူး
ဟော့ဟို ကိုယ်ဝန်ဆောင်မိခင်ဗိုက်ထဲက ကလေး ဟော့ဟိုပုခက်ထဲက ခုမှစတဲ့ကလေးနဲ့
ဟိုစာသင်ခန်းထဲမှာ ပြေးလွှားစော့ကစားနေတဲ့ ကလေးအားလုံးအတွက် လိုက်ခဲ့

မင်းသိတယ်မဟုတ်လား
ရေကြီးတယ် မိုးခေါင်တယ် ငလျှင်လှုပ်တယ် မီးလောင်တယ် ဒါကလွဲရင်
ဘာမှမထွန်းကားတဲ့ တိုင်းပြည်
ကလိမ်ကကျစ် လူလိမ်လူကောက် လူရှုပ်လူပွေနဲ့သေနတ်သမားတွေကလွဲလို့
ဘာမှမထွန်းကားတဲ့ တိုင်းပြည်
ရှိသမျှလူ့အရင်းအမြစ်တွေဆွဲထုတ် ‘‘ငတ်နေကြပါတယ်ခင်ဗျား’’
မျောက်ပြဆန်တောင်း ငိုပြရုံကလွဲပြီး ဘာတစ်ခုမှ ကုန်းကောက်စရာမရှိတော့တဲ့ တိုင်းပြည်။

ညီလေးရေ မင်းတွေ့လား ငါတို့ရပ်ကွက်ထဲ ဖြူးနေအောင် ဖြောင့်နေတဲ့ ကိုယ်ထူကိုယ်ထလမ်းတွေ
အေး ဒီလိုပဲ ကိုယ့်လမ်းကိုကိုယ်ထူ ကိုယ့်အလံကို ကိုယ်စိုက်ဖို့အတွက်
ကိုယ့်ကိုယ်ကိုယ် သိပ်မထူပိန်းစေနဲ့။
မင်းခေါင်းကြီးကို အနည်းဆုံး တစ်ပါတ်တစ်ခါပြန်ဖွင့် စစ်ဆေး လိုသမျှဖြည့်ကဲ့
သေမင်းကိုမျက်ခြေဖြတ်ထားနိုင်တာကလွဲရင် ဘာနဲ့မှ အဆက်အသွယ်မပြတ်စေနဲ့။

ညီမလေး မင်းကလည်း မင်းခန္ဓာကိုယ်ရဲ့ အခက်အလက်တွေထက်
ကမ္ဘာကြီးရဲ့အချက်အလက်တွေကို စုပ်ထုတ်ဖို့ မင်းနှုတ်ခမ်းကိုပြင်ထား။

ကိုယ့်လည်ပင်းကိုယ် ပြန်ကြိုးကွင်းမစွပ်မိစေဖို့
အိမ်ကြက်ခြင်း အိုးမဲသုတ်ခွပ်ရတဲ့အဖြစ်ကလွတ်မြောက်စေဖို့
ဇာတ်တူသားစားခိုင်းနေတဲ့ ဒီငနဲတွေလက်က ပြေးထွက်နိုင်ဖို့
ခုန် ခုန် ခုန် လွတ်အောင်ခုန်စမ်း ခုံတွေကိုလွှတ်ချလို့ ဥုံဂါထာတွေကို လွှတ်ချလို့
စုန်းအတတ်တွေကိုလွှတ်ချလို့
မှတ်ထား ကိုယ့်အသွေးကိုယ့်အသားမှမပါရင် ဘယ်ချစ်ခြင်းမေတ္တာမှ မီးမလင်းဘူး
မီးမလင်းတဲ့ ချစ်ခြင်းမေတ္တာမှာ ဘယ်အ၀ိဇ္ဇာမှ မမြင်ရဘူး
ဘယ်အ၀ိဇ္ဇာမှမမြင်ရရင် ဘယ်နိဗ္ဗာန်တံခါးမှ မပွင့်ဘူး။

ငါတို့က ရန်သူမျိုး (၅)ပါးအပြင် အပင်တွေ အသီးတွေ လေနဲ့ ရေထုထဲမှာအပြင်
ငါတို့ရဲ့ငါတို့အုပ်စုထဲမှာတင်
ရန်သူဟာ မြင်းကောင်း ခွါလိပ်မယ့်အချိန်ကိုစောင့်လို့
ရန်သူဟာ အဆင်းဘီးတွန်းမယ့်အခါကိုစောင့်လို့
ရန်သူဟာ နောက်ကျောဓါးနဲ့ထိုးဖို့အခွင့်ကိုလည်းစောင့်လို့ပေါ့။

ဒီမှာ ကုလားထိုင်တွေကိုရှင်းထား မြက်ခင်းစိမ်းအတိုင်း ငါတို့ထိုင်ကြမယ်
ပြီးတော့ စဉ်းစားကြ ကိုယ့်အာရုံကိုယ်ဓါးနဲ့လှီးပြီး ကိုယ့်ပစ္စုပ္ပန်ကိုယ်ပြန်ချပြီးကြည့်ကြ

ခု သူတို့စီးနေတဲ့ကားတွေ မင်းတို့စီးနိုင်နေတာ
ခု သူတို့သာကိုင်နိုင်တဲ့လက်ကိုင်ဖုန်းတွေ မင်းတို့ကိုင်ထားနိုင်နေတာ
ခု သူတို့အချုပ်အလုပ်အောက်က
ခု မင်းတို့ ဆဲလို့ ဆိုလို အော်လို့ ဟစ်လို့ ဆန္ဒပြလို့ ရနေတဲ့ ပါးစပ်ပေါက်တွေဟာ
ဘယ်သူ့ကြောင့် ရလာကြတာလဲ။

စိတ်ချ သူကတော့ မင်းတို့ကို စိတ်မချလို့
မိုင်းတောထဲ နှင်းတောထဲ တိုးဝင်ဆက်သွားနေဦးမှာပဲ။

ရန်သူ့အားပေး မင်းစိတ် အဆွေးအမြေ့တွေကိုထုတ်ပြပေးမနေနဲ့။

ဘယ်သူ့ကြောင့် ရန်သူ့မီးအိမ် ကျကွဲပြီး
ဘယ်သူ့ကြောင့်ကမ္ဘာကြီးမှာ မြန်မာခရီး ပိုလင်းထိန်လာခဲ့ရသလဲ။

ဘယ်တော့မှ အမေက မင်းတို့ကျမယ့်ချောက်ကိုမတူးဘူး
ငရဲကို သူ့ချွေးခံအင်္ကျီအိပ်ကလေးထဲထိုးသိပ်လို့ မင်းတို့ရဲ့ပန်းခင်းလမ်းကိုသာ အန်ထုတ်ပေးခဲ့မယ့်သူမျိုး။ ။

                                                                                                            ခရမ်းပြာထက်လူ
                                                                                                            (  ၂  ၀  ၁  ၃  )