၂ဝဝ၈ခုနှစ် ၊ နှစ်သစ်ကူးည ။
၂၂နှစ်အရွယ် သမီးတစ်ယောက်အဖေ အော်စကာ။
သူ့သူငယ်ချင်းတွေနဲ့အတူ ဆန်ဖရန်စစ်စကိုရဲ့ နှစ်သစ်ကူးပွဲတော်ကို ကြည့်ဖို့ ရထားနဲ့ ထွက်လာရင်း ရထားပေါ်မှာ သူနဲ့ အရင်က ရန်ဖြစ်ဖူးတဲ့သူတွေနဲ့ ပြန်တွေ့ပြီး တွန်းကြထိုးကြဖြစ်တော့ ရထားရဲတွေ ရောက်လာတယ်.. သူတို့အုပ်စုကို ရထားပေါ်က ဆွဲချပြီး ဖရုဘေးဘူတာရုံမှာ ထိန်းထားလိုက်တယ်။ ရထားက ရပ်နေတယ်။ ရထားပေါ်က လူတွေက အဖြစ်အပျက်တစ်ခုလုံးကို ဖုန်းကင်မရာတွေနဲ့ ရိုက်နေကြတယ်။ အော်စကာက သူတို့ကို ဘာ့ကြောင့် ဒီလိုထိန်းသိမ်းရတယ်ဆိုတာကို ရဲတွေကို မေးဖို့ ကြိုးစားတယ်။ ရဲတွေက သူ့ကို ဘူတာပလက်ဖောင်းပေါ်မှာ ၀မ်းလျားမှောက်ခိုင်းပြီး လက်ထိပ်ခက်ဖို့ လုပ်တယ်။ ရုန်းရင်းဆန်ခတ်ဖြစ်နေတုန်းမှာ ရဲတစ်ယောက်က သေနတ်ကို ဆွဲထုတ်ပြီး ပစ်လိုက်တယ်။ ကျည်ဆန်က ကျောကနေဖောက်ပြီး ၀င်သွားတယ်။ ဆေးရုံရောက်ပြီး ခွဲစိတ်ခန်းဝင်တော့ အဆုတ်တစ်ခြမ်းကို ထုတ်လိုက်ရတယ်။ ဒါပေမယ့် သွေးထွက်နေတာကို ဘယ်လိုမှ ထိန်းလို့မရဘူး။ မကြာခင် သူ ဆုံးသွားတယ်။
ဇာတ်လမ်းရဲ့အစမှာ ပါတဲ့ ပြကွက်က တကယ့်အဖြစ်အပျက်ကို ဖုန်းကင်မရာနဲ့ ကတုန်ကယင်လှမ်းရိုက်ထားတဲ့ ဗီဒီယိုအပိုင်းလေးကို ထည့်ထားတာ။ ဒီဇာတ်ကားကို ရိုက်တဲ့ ဒါရိုက်တာ Ryan Coogler က ကယ်လီဖိုးနီးယားတောင်ပိုင်းတက္ကသိုလ်မှာ ရုပ်ရှင်ပညာနဲ့ ကျောင်းတက်နေတုန်းပဲ ရှိသေးတယ်။ ဒီဇာတ်ကား ရိုက်လို့ ကုန်ကျငွေက ဒေါ်လာတစ်သန်းတောင် မပြည့်ဘူး။ အော်စကာရဲ့ မသေခင်အချိန်အထိ တစ်နေ့တာကိုပဲ ရှင်းရှင်းလေး ရိုက်ပြသွားတယ်။ အတိတ်ကလုပ်ခဲ့တဲ့ အမှားတွေကနေ အလွတ်ရုန်းဖို့ ကြိုးစားနေတဲ့ အလုပ်လက်မဲ့ လူငယ်တစ်ယောက်ရဲ့ စရိုက်ကို ကြည့်နေတဲ့သူမြင်အောင် အသေအချာ ရိုက်ပြတယ်။ လမ်းပေါ်မှာ ခွေးတစ်ကောင် ကားတိုက်ခံရတာကို သူမကယ်လိုက်နိုင်တဲ့ ဇာတ်ဝင်ခန်းကနေစပြီး ဇာတ်လမ်းအစမှာကတည်းက အဆုံးမှာ ဘာဖြစ်မယ်ဆိုတာသိနေတဲ့ ရုပ်ရှင်ကြည့်သူရဲ့ စိတ်ကို အဆိုးဆုံးအဖြစ်အပျက်က လာနေပြီဆိုတာ သတိပေးနေတယ်။
လူ့အဖွဲ့အစည်းထဲက လူမှုမညီမျှမှုနဲ့ လုပ်ပိုင်ခွင့်အလွဲသုံးမှုတွေကို လူတွေ သတိထားမိစေဖို့ လူတစ်ယောက်ဟာ ဘာအကြောင်းမှ ခိုင်ခိုင်မာမာမရှိဘဲ အသက်ပေးခဲ့ရတာကို ဒါရိုက်တာက သူ့ရဲ့ ပွဲဦးထွက်ရုပ်ရှင်မှာ ပြနိုင်ခဲ့တယ်။
စိုးထိုက်
No comments:
Post a Comment