ခင်ဗျားတို့ ကျွန်တော်တို့ကလေးတွေရဲ့ပညာရေး(၃)

ခင်ဗျားတို့သိလား

ခုံပေါ်ကိုဓါးမြှောင်တစ်ချောင်းထိုးစိုက်ပြီး စာမေးပွဲကိုဖြေခဲ့တာ။
ဒီအကြောင်းကျွန်တော်ကြားလိုက်တာကျွန်တော့်နောက် ကျားလိုက်လာသလိုပဲ။

ခင်ဗျားတို့သိလား
တစ်ခန်းလုံးBIG BOSS ရေသန့်သောက်နေပါလျှက်
KEYရေသန့်သောက်ဖို့ ဖိအားပေးခဲ့တဲ့ကျောင်းသားတစ်ယောက်ရဲ့ဘက်က
အဆီတ၀င်းဝင်းနဲ့ထယီးထယိုင်ဝင်ရပ်ဖို့ကြိုးစားခဲ့တာ။

ခင်ဗျားတို့သိလား
အညွှန့်တလူလူနဲ့ကျောင်းသူတစ်ယောက်ရဲ့
ကြယ်နုနုထွတ်ထွတ်လေးတွေကိုမှခူးချင်ဆွတ်ချင်တဲ့စိတ်ဓါတ်ကို
ရေအိမ်သွားတဲ့လမ်းပေါ်မှာကျောင်းသူတစ်ယောက်က ဓါးမြှောင်ပြပြီး
သတ်ပစ်မယ်လို့ခြိမ်းချောက်ခဲ့တာကို ဒီအတိုင်းလက်ပိုက်ရပ်ကြည့်နေခဲ့ရတာ။

ခင်ဗျားတို့သိလား
နောက်ဆုံးစာမေးပွဲကြီးပြီးလိုနောက်ဆုံးဆရာမကိုနုတ်ဆက်ကန်တော့
ကျေးဇူးတွေဆပ်မယ်လို့ထင်နေတာ
မသင်ရသေးတဲ့ရှေ့နှစ်အတန်းက ဆရာမကိုကြိုပြီးသွားကန်တော့နေကြလို့
ကျွန်တော်တို့ရယ်မောရင်းကြေကွဲခဲ့ရတာတွေ။

ခင်ဗျားသိလား
အနီရောင်ဘောလ်ပင်န်တစ်ချောင်းထဲမှာအပြာရောင် မင်ချောင်းကိုထည့်ပြီး
မိဘတစ်ယောက်တည်ပေးထားတဲ့လှံသွားနဲ့ ကလေးတစ်ယောက်ရဲ့ရင်ဝကိုစောင့်စောင့်ထိုးနေတဲ့
အဖြေလွှာစာရွက်များစစ်နေသူ
မိဘနဲ့ဆရာပေါင်းပြီး
ကလေးရဲ့အနာဂတ်ကိုစနစ်တကျသတ်ပစ်နေတာနဲ့ မတူနေဘူးလား။

ခင်ဗျားသိလား
ရီပို့စ်ကဒ်၂ ခုထားတယ်
တစ်ခုကဒီကလေးရဲ့ သေစာရင်း
တစ်ခုကသူရဲ့ ရှင်စာရင်း
အသက်မရှိတော့တဲ့ဒီကလေးရဲ့အနာဂတ်ကို သူ့ဆီမှာထားပြီး
ဖုတ်သွင်းထားတဲ့ဒီကလေးရဲ့အလောင်းကို သူ့မိဘဆီ ပို့လိုက်သလိုပေါ့။ ရီပို့ကဒ် ၂ ခုထားတယ်။

ဆေးရုံကဆရာမတွေ လေတဟူးဟူး အပြင်ကော်ရစ်တာမှာ
ရေမွှာပေါက်ကွဲပြာပြီးရောက်လာတဲ့မွေးကာစကလေးကို တစ်ခုခုမရမချင်း
ကော်ရစ်တာမှာဘာဖြစ်ဖြစ် ပစ်ချထားသလိုပေါ့။

တစ်ခုခုနောက်ထပ်,ထပ်မပါလာတဲ့အခါဒီကလေးဟာ ကျောင်းမှာ
နောက်ထပ်ကော်ရစ်တာတစ်ခုမှာထပ်ပြီးဒူးထောက်ရတော့တယ်။
ဒီကလေးဟာဘ၀တစ်လျှောက်လုံး ဒူးထောက်ရတော့တယ်။

ခင်ဗျားတို့ဘာလိုချင်တာလည်း
ခင်ဗျားတို့ဘာပေးချင်တာလည်း
ပိုက်ဆံသိပ်လိုချင်တဲ့အခါဘဏ်ဓါးပြတိုက်ပါ
ကုန်တင်သင်္ဘောကြီးတွေကိုဆိုမာလီတွေနဲ့တွဲပြီး လုယက်ပါ။
ပိုက်ဆံသိပ်မလိုချင်ဘူးဆိုရင်တော့ ကျောက်လိုက်ထုပါ လမ်းတွေကိုပြင်ပါ
ပန်းပင်တွေကိုရေလောင်းတဲ့အလုပ်လုပ်ပါ ကလေးတွေကိုမွေးစားပါ။

ဆြာဘွဲ့ကြီးကိုင်ထားပြီးမြေခွေးတစ်ကောင်လို ဆာလောင်မွတ်သိပ်နေရင်မကောင်းပါ။

ဈေးကွက်တစ်ခုလိုကလေးတွေကို ဈေးကစားနေခြင်းဟာ
တိုင်းပြည်ကိုနောက်ကျောကို ဓါးနဲ့ထိုးနေခြင်းတစ်မျိုးပါ

ခင်ဗျားတို့အမှတ်တွေလိုချင်တာလား
ခင်ဗျားတို့အဆင့်တွေလိုချင်တာလား
ခင်ဗျားတို့ဧည့်ခန်းနံရံမှာဆုတံဆိပ်တွေချိတ်ထားနိုင်ရုံနဲ့ လူတစ်ယောက်ရဲ့အဓိပ္ပါယ်က ပြီးပြီလား
ပစ်မှတ်ရဲ့ဘေးမှာစိုက်ဝင်နေတဲ့မြှားတွေကိုကြည့်ပြီးလက်ခုပ်တီးနေရုံနဲ့ခင်ဗျားတို့ကလေးတွေက ပြီးပြီလား။

ဘယ်သူ့ကြောင့်ကလေးတွေ ပိုလီယိုဆန်သွားရတာလဲ
ဘယ့်သူ့ကြောင့်ကလေးတွေတောကြီးမြက်မည်းထဲ ယောင်လည်လည် လမ်းပျောက်ခဲ့ကြရတာလဲ

စံနစ်ကျွန်ကြောင့်လားအချစ်ကျွန်ကြောင့်လား
ငွေရှင်ကြေးရှင်မိဘနဲ့ငွေသေဘ၀သေ ဆရာ ဆရာမတွေကြောင့်လား

စာစီစာကုံးတစ်ပုဒ်မှာတောင်ရှဲဒိုးရှိတယ်
စာစီစာကုံးတစ်ပုဒ်မှာတောင်ဝါဒဖြန့်ချီရေးရှိတယ်
စာစီစာကုံးတစ်ပုဒ်မှာတောင်ဆိုင်ရာပိုင်ရာတွေရှိနေတယ်။

ကလေးတွေကိုအဖတ်ဆယ်ပါ
ခင်ဗျားတို့ကိုယ်ခင်ဗျားတို့အဖတ်ဆယ်ပါ
တိုင်းပြည်ဟာခင်ဗျားတို့လက်ထဲက လွတ်ကျခဲ့ပြီ
တိုင်းပြည်ဟာကလေးတွေရဲ့လက်ထဲကထပ်ပြီး မလွတ်ကျပါစေနဲ့။

ဆရာကိုဗဟိုပြုနေတဲ့ မိဘတွေ
မိဘကိုဗဟိုပြုနေတဲ့ ဆရာတွေ
ကလေးကသွားချင်ရာသွားကာ လျှောက်ချင်ရာလျှောက်လို့ ပြီးတော့ ရောက်ချင်ရာရောက်လို့။

ကျွန်တော်ဆရာ ပလေတိုကိုချစ်ပါတယ်
ဒါပေမယ့်အမှန်တရားကိုပိုချစ်ပါတယ်ဆိုတဲ့သူပေါ့ ကျွန်တော့်နာမည် အရစ္စတိုတယ်။

 ခရမ်းပြာထက်လူ
   (  ၂  ၀  ၁  ၃  )