ဆူးလေလမ်း ရာဇဝင်
ဆူးလေလမ်းဟာ
အိပ်ရာကနိုးပြီဆို
ဗဟိုမီးသတ်ကို နှုတ်ဆက်
လက်ရွေးစင်မှာ
လက်ဖက်ရည်တစ်ခွက်သောက်လိုက်တယ်။
ဆူးလေလမ်းဟာ
အမောင်းကြမ်းတဲ့
ဒတ်ဆန်း ကားတွေကို
ကျိန်ဆဲနေတတ်တယ်။ဆူးလေလမ်းဟာ
နိုင်ငံခြားပစ္စည်းဆန်းတွေကို
အငမ်းမရငေးကြည့်တတ်တယ်။
ဆူးလေလမ်းဟာ
ဆယ်တန်းကျောင်းသားတွေနဲ့အတူ
ကျူရှင်တက်တယ်။
ဆူးလေလမ်းဟာ
ရေတမာပင်တန်းအောက်က
လက်ကိုင်ပဝါ အနွမ်းလေးတစ်ထည်
ကောက်ရခဲ့ဖူးတယ်။
ဆူးလေလမ်းဟာ
ဗန္ဓုလပန်းခြံထဲမှာ
ဆိုးသွမ်းလူငယ်တွေနဲ့အတူ
ဆေးခြောက်ရှုဖူးတယ်။
ဆူလေလမ်းဟာ
မာကြူရီ အလင်းတန်းအောက်မှာ
ခရေပန်းကောက်တဲ့ ကလေးတစ်သိုက်
ကားတိုက်ခံရမှာ စိုးရိမ်နေတယ်။
ဆူးလေလမ်းဟာ
ဆူးလေစေတီဘုရားပွဲမှာ
လပ်ကီးဆဲဗင်းလဲ ကစားခဲ့ဖူးတယ်။
ဆူးလေလမ်းဟာ
ဗန္ဓုလပန်းခြံ စက္ကူပန်းရုံနား
လမ်းဘေး လက္ခဏာဆရာဆီမှာ
အနာဂတ်အတွက်
လက္ခဏာကြည့်နေပြန်ပါရော. . .။ ။
လှသန်း
ဖေဖော်ဝါရီ ၁၉၈၂ မိုးဝေ
(ဆရာလှသန်းရဲ့ပထမဆုံးပုံနှိပ်ကဗျာဖြစ်ပါတယ်။ ဆရာစိုင်းဝင်းမြင့် ရဲ့ကျေးဇူးနဲ့ကူးယူထားပါတယ်)
No comments:
Post a Comment