သေနတ်နဲ့ပစ်လည်း မမှန်တော့ဘူး
ဓားနဲ့ခုတ်လည်း မပြတ်တော့ဘူး
အနောက်ပြန်ရစ်ကြည့်လို့မရတဲ့ ရုပ်ရှင်ကို ရိုက်ခဲ့ပြီ။
ယုတ်စွအဆုံး
ကိုယ့်ခန္ဓာကိုယ်အစိတ်အပိုင်းအချင်းချင်းကိုတောင် မနာလိုဘူး။
ဖြူနေတဲ့စိတ်ကလေး အရောင်နည်းနည်းပါလာပြီဆို ခဏနား
ဒီလောက်လှတဲ့သီချင်းကို keyအယိုင် မခံနိုင်ဘူး။
ငါတို့ခြေထောက်ကို လာကိုက်တဲ့ခြင်တွေ
ငိုယိုအော်ဟစ်ပြီး ပြန်သွားရတယ်
ဘာသွေးမှ စုပ်ယူမရရှိလို့တဲ့။
နှလုံးပင်မသွေးလွှတ်ကြောကြီးဟာ
ဘယ်နေရာကိုပဲ ရည်ရွယ်ပို့လွှတ်ပေးနေတယ်ဆိုတာ
ဘယ်သူမှမသိလိုက်ကြ
ခြေဖျားလက်ဖျားတွေအေးလို့
ဆံပင်ဖျားဖနောင့်ဖျားထိအေးလို့
တစ်နေရာတည်း နွေးနေတဲ့ ရပ်ဝန်းလေးကြောင့်
ကမ္ဘာကြီးပိုပူနွေးလာမလား ...
အတူတူစိုးရိမ်နေမိတယ်။
ဟိန်း
၂.၁၂.၁၃
No comments:
Post a Comment